‘நிர்பயா குற்றவாளிகளை காப்பாற்ற ஆம் ஆத்மி முயற்சி’ - பாஜக சாடல்

Web Team

19,Jan 2020 04:14 PM

AAP-trying-to-save-Nirbhaya-case-convicts--stalling-justice--alleges-BJP-leader-Manoj-Tiwari

நிர்பயா வழக்கு குற்றவாளிகளை தண்டனையில் இருந்து காப்பாற்ற ஆம் ஆத்மி முயற்சித்து வருவதாக பாரதிய ஜனதா கட்சி குற்றஞ்சாட்டியுள்ளது.

டெல்லியில் நடந்த கருத்தரங்கில் கலந்து கொண்டு பேசிய அம்மாநில பாரதிய ஜனதா கட்சி தலைவர் மனோஜ் திவாரி, நிர்பயா வழக்கில் குற்றவாளிகளுக்கான தண்டனையை இரு ஆண்டுகளாக அவர்களுக்கு தெரியப்படுத்தாமல் ஆம் ஆத்மி அரசு மறைத்து விட்டதாக சாடினார். நீதித்துறை நடைமுறைகளை நிறுத்திய கெஜ்ரிவால் அரசு, தற்போது நிர்பயா குற்றவாளிகளை தண்டனையில் இருந்து காப்பாற்ற முயற்சிக்கிறது என்றும் விமர்சித்தார்.

இந்த விவகாரத்தில் காவல்துறை தங்களது கட்டுப்பாட்டின் கீழ் வராது என கெஜ்ரிவால் அரசு பொறுப்பை தட்டிக் கழிக்க முடியாது என்றும், ஏனெனில் திஹார் சிறை நிர்வாகம் டெல்லி அரசின் மேற்பார்வையில்தான் செயல்படுகிறது என்றும் மனோஜ் திவாரி கூறினார்.

இந்தியா அபார வெற்றி - ஆஸ்திரேலியாவை வீழ்த்தி கோப்பையை வென்றது