[X] Close

வேலை தொடர்பாக முன்விரோதம்: இளைஞர் கொலை..!

Subscribe
A-youth-has-been-hacked-to-death-because-of-prejudice-

முன்விரோதம் காரணமாக இளைஞர் ஒருவர் வெட்டிப் படுகொலை செய்யப்பட்டுள்ளார்.


Advertisement

நாகை மாவட்டம் மயிலாடுதுறை வரதாச்சாரியார் தெருவைச் சேர்ந்தவர் மணிகண்டன் (26). பழங்குடியினர் வகுப்பைச் சேர்ந்த இவரும், இதே பகுதியைச் சேர்ந்த மணிகண்டனின் அக்காள் கணவர் முனுசாமி என்பவரும் சேர்ந்து இறப்பு நிகிழ்ச்சிகளில் டிரம்ஸ் அடித்து வந்தனர். இந்த வேலை நிமித்தமாக இருவருக்கும் ஏற்கெனவே முன்விரோதம் இருந்துள்ளது. இதனால், வெளியூருக்குச் சென்று வேலை பார்த்து வந்த மணிகண்டன், பொங்கல் விழாவுக்காக மயிலாடுதுறைக்கு வந்துள்ளார்.

image


Advertisement

இந்நிலையில், மணிகண்டன் ஊருக்கு வந்திருப்பதை அறிந்த முனுசாமி, அவருடைய நண்பர்கள் 3 பேருடன் சேர்ந்து மணிகண்டனுடன் தகராறில் ஈடுபட்டுள்ளார். ஒரு கட்டத்தில் தகராறு முற்றி, தான் மறைத்து வைத்திருந்த அரிவாளால் முனுசாமியும் அவரது நண்பர்களும் சேர்ந்து மணிகண்டனை ஓடஓட விரட்டி வெட்டியதாக கூறப்படுகிறது. இந்த மோதலில் மணிகண்டன் சம்பவ இடத்திலேயே உயிரிழந்தார். கொலை செய்யப்பட்டு கிடந்த மணிகண்டனின் உடலை பார்த்த அப்பகுதி மக்கள் போலீசாருக்கு தகவல் தந்துள்ளனர்.

image

இதையடுத்து, மயிலாடுதுறை போலீஸார் விரைந்து வந்து சடலத்தைக் கைப்பற்றி, மயிலாடுதுறை அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் கொலைச் சம்பவத்தில் ஈடுபட்ட குற்றவாளிகளை தேடி வருகின்றனர். இறந்துபோன மணிகண்டன், தேடப்படும் குற்றவாளியான முனுசாமி ஆகிய இருவரும் கடந்த 2014-ஆம் ஆண்டு வேறு ஒருவரை கொலை செய்த வழக்கில் தொடர்புடையவர்கள் என்பது குறிப்பிடத்தக்கது.


Advertisement
Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close