2025ம் ஆண்டில் பொருளாதாரம் 5 ட்ரில்லியன் டாலர் ஆக உயரும் - நிர்மலா சீதாராமன்

அடுத்த ஆண்டு பிற்பகுதியில் உலக முதலீட்டாளர்கள் மாநாடு இந்தியாவில் நடத்தப்படும் என மத்திய நிதியமைச்சர் நிர்மலா சீதாராமன் தெரிவித்துள்ளார்.

டெல்லியில் செய்தியாளர்களிடம் பேசிய நிர்மலா சீதாராமன், பிரதமர் நரேந்திர மோடி, தனது சுதந்திர தின உரையின்போது உள்கட்டமைப்பு திட்டங்களில் 100 லட்சம் கோடி ரூபாய் முதலீடு செய்யப்படும் என பேசியதை சுட்டிக்காட்டினார். இதையடுத்து 4 மாதங்களில், 102 லட்சம் கோடி ரூபாய் முதலீடுக்கான திட்டங்கள் அடையாளம் காணப்பட்டுள்ளதாகவும் அமைச்சர் தெரிவித்தார்.

இந்த திட்டங்களில் தலா 39 விழுக்காட்டை மாநில அரசுகளும் மற்றும் மத்திய அரசும், எஞ்சியவைகளை தனியார் அமைப்புகளும் செயல்படுத்தும் என அவர் கூறினார். இந்த திட்டங்கள் மூலம் 2025ஆம் ஆண்டில், இந்தியாவின் பொருளாதாரம் 5 ஆண்டுகளில் 5 டிரில்லியனாக உயரும் என்றும் நிர்மலா சீதாராமன் நம்பிக்கை தெரிவித்தார். மேலும், 2020ஆம் ஆண்டில், இந்தியாவில் உலக முதலீட்டாளர்கள் மாநாடு நடத்தப்படும் என்றும் கூறினார்.

6 மாதத்தில் மூடப்படும் அபாயத்தில் ஏர் இந்தியா?