பள்ளிகள் திறப்பு 4-ஆம் தேதிக்கு தள்ளிவைப்பு - பள்ளிக் கல்வித்துறை

அரையாண்டு தேர்வு விடுமுறைக்குப் பின்னர் பள்ளிகள் 4-ஆம் தேதி திறக்கப்படும் என பள்ளிக் கல்வித்துறை அறிவித்துள்ளது.

தமிழகத்தில் இயங்கும் பள்ளிகளில் அரையாண்டுத் தேர்வுகள் முடிந்து மாணவர்களுக்கு விடுமுறை அளிக்கப்பட்டுள்ளது. இந்த விடுமுறைக்குப் பின்னர் ஜனவரி 2-ஆம் தேதி பள்ளிகள் திறக்க திட்டமிடப்பட்டது. ஆனால் 2-ஆம் தேதி ஊரக உள்ளாட்சித் தேர்தல்களுக்கான வாக்கு எண்ணிக்கை நடைபெறும் என்பதாலும், அதற்காக அரசு ஆசிரியர்கள் பணிபுரிவார்கள் என்பதாலும் பள்ளி திறப்பு 3-ஆம் தேதிக்கு மாற்றப்பட்டது.

இந்நிலையில் 3-ஆம் தேதியும் வாக்கு எண்ணிக்கை தொடரலாம் என தேர்தல் அதிகாரிகள் வட்டாரத்தில் ஆலோசிக்கப்பட்டுள்ளது. இதனால் பள்ளிகள் திறப்பை 4-ஆம் தேதிக்கு பள்ளிக் கல்வித்துறை மாற்றியிருக்கிறது. இந்த அறிவிப்பு அரசு மற்றும் அரசு உதவி பெறும் பள்ளிகளுக்கானது என பள்ளிக்கல்வித்துறை சார்பில் தெரிவிக்கப்பட்டுள்ளது.

ஐபிஎல் தொடருக்கு ஏலம் போகவில்லை: நெசவுத் தொழிலில் ஈடுபடும் தமிழக வீரர் பெரியசாமி!