கூகுளில் 2019-ல் இந்தியர்கள் அதிகம் தேடிய தலைப்புகள் என்ன ?

உலகக் கோப்பை கிரிக்கெட் தொடர்பாகவே 2019-ஆம் ஆண்டில் இந்தியர்கள் அதிகம் தேடியுள்ளதாக கூகுள் தெரிவித்துள்ளது.

2019-ஆம் ஆண்டில் இந்தியர்கள் அதிகம் தேடிய தலைப்புகள் குறித்த பட்டியலை கூகுள் வெளியிட்டுள்ளது. அதில், உலகக் கோப்பை கிரிக்கெட் குறித்த தேடல்கள் முதலிடத்திலும், மக்களவை பொதுத்தேர்தல் குறித்த தேடல்கள் இரண்டாவது இடத்தையும் பிடித்துள்ளன. 

நடந்து முடிந்த மக்களவை தேர்தலின்போது எவ்வாறு வாக்களிப்பது? வாக்காளர் அடையாள அட்டவணையில் பெயரை எவ்வாறு சரிபார்ப்பது போன்ற தலைப்புகளிலும் அதிகம் தேடப்பட்டுள்ளதாக கூகுள் தெரிவித்துள்ளது. சந்திரயான் - 2 செயற்கைக்கோள் குறித்த தேடல்கள் மூன்றாவது இடத்தை பிடித்துள்ளது. இதுதவிர, ஜம்மு காஷ்மீருக்கு சிறப்பு அந்தஸ்து வழங்கக்கூடிய சட்டப்பிரிவு 370 மத்திய அரசால் நீக்கப்பட்டது, அயோத்தியா வழக்கு, குடியுரிமை மசோதா போன்றவைகளும் 2019-ஆம் ஆண்டில் கூகுளில் அதிகம் தேடப்பட்டிருக்கிறது.