[X] Close >

மாப்பிள்ளை ஊர்வலத்தில் பண மழையாக கொட்டப்பட்ட ரூ.90 லட்சம்!

Around-90-Lakh-rupee-notes-showered-in-Gujarat-wedding

குஜராத்தில் ரூ.90 லட்சம் பணத்தை மழையாக கொட்டி, மணமகன் ஊர்வலம் வந்தது அனைவரையும் ஆச்சரியத்தில் ஆழ்த்தியது


Advertisement

வட மாநிலங்களில் விழாக்கள், ஆன்மிக கச்சேரிகள் நடந்தால் ரூபாய் நோட்டுகளை வீசி இறைப்பது வழக்கம். இசை கச்சேரிகளில் வீசி எறியப்படும் பணங்கள் இசை கலைஞர்களை சேரும். வசதிக்கேற்ப பண மழை பொழிவது அங்கு வழக்கம். இசை கச்சேரிகளில் ரூ.50 லட்சம் வரை பணம் மழை கொட்டியுள்ளது. இந்நிலையில் குஜராத்தில் ரூ.90 லட்சம் பணத்தை மழையாக கொட்டி, மணமகன் ஊர்வலம் வந்தது அனைவரையும் ஆச்சரியத்தில் ஆழ்த்தியது.


Advertisement

குஜராத்தின் ஜாம்நகர் பகுதியைச் சேர்ந்த தொழிலதிபர் ரிஷிராஜ்சிங் ஜடேஜா தனது திருமண ஊர்வலத்தில் ரூ.90 லட்சத்தை வாரி இறைத்தார். கடந்த 30ம் தேதி நடைபெற்ற திருமணத்தின் போது மாப்பிள்ளை ஊர்வலம் நடந்தது. சேலா பகுதியின் முக்கிய சாலையில் மாப்பிள்ளை ஊரவலமாக அழைத்துச் செல்லப்பட்ட போது திடீரென பண மழை கொட்டியது. 

மாப்பிள்ளையின் குடும்பத்தினரும், நண்பர்களும் பணத்தை வாரி இறைத்தனர். பண மழையில் நனைந்த மணமக்கள் பின்னர் ஹெலிகாப்டர் மூலம், கண்ட் என்ற கிராமத்துக்கு பறந்து சென்றனர். மாப்பிள்ளையின் அண்ணன் மணமக்களுக்கு ரூ.1 கோடி மதிப்பிலான காரையும் பரிசளித்துள்ளார். இந்தத் திருமணத்தில் வசூலான நன்கொடைகள் 5 கோசாலைக்கு தானமாக வழங்கப்பட்டதாக தெரிவிக்கப்பட்டுள்ளது.


Advertisement
Advertisement:

Advertisement

Advertisement

Advertisement
[X] Close