[X] Close

முதலமைச்சர் பழனிசாமியை சந்தித்தது ஏன்?: திருமாவளவன் விளக்கம்

Subscribe
thirumavalavan-met-cm-palanisamy-yesterday

சென்னை மாநகராட்சியை தனித் தொகுதியாக அறிவிக்க வேண்டும் என முதலமைச்சர் எடப்பாடி பழனிசாமியிடம் கோரிக்கை வைத்துள்ளதாக விடுதலைச் சிறுத்தைகள் கட்சியின் தலைவர் தொல்.திருமாவளவன் தெரிவித்துள்ளார். 


Advertisement

சென்னை கிரீன்வேஸ் சாலையில் உள்ள முதலமைச்சர் எடப்பாடி பழனிசாமியின் இல்லத்தில் அவரைச் சந்தித்துப் பேசிய பின் செய்தியாளர்களை சந்தித்த திருமாவளவன், உள்ளாட்சித் தேர்தலில் துணைத் தலைவர் பதவிக்கு இடஒதுக்கீட்டை நடைமுறைப்படுத்த வேண்டும் எனவும், சென்னை மாநகராட்சியை தனி தொகுதியாக அறிவிக்க வேண்டும் என்றும் முதலமைச்சரிடம் கோரிக்கை விடுத்ததாக கூறினார். 


Advertisement

மேலும், தாழ்த்தப்பட்ட மாணவர்களுக்கு முறையாக கல்வி உதவித் தொகை கிடைக்க நடவடிக்கை எடுக்க வேண்டும் என முதலமைச்சரிடம் கோரிக்கை வைத்துள்ளதாகவும் திருமாவளவன் குறிப்பிட்டார். கோரிக்கை தொடர்பான மனுக்களைப் பெற்றுக் கொண்ட முதலமைச்சர் பரிசீலிப்பதாகக் கூறியுள்ளதாகவும் திருமாவளவன் தெரிவித்தார். சந்திப்பின்போது விழுப்புரம் எம்.பி.யும், விடுதலைச் சிறுத்தைகள் கட்சியின் பொதுச் செயலாளருமான ரவிக்குமார் உடனிருந்தார்.

Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close