தேனியில் 10 பேருக்கு மர்ம காய்ச்சல் : டெங்கு அச்சத்தில் பொதுமக்கள்!

பெரியகுளம் அருகே 10க்கும் மேற்பட்டோர் மர்ம காய்ச்சலால் பாதிக்கப்பட்டு அரசு மருத்துவமனையில் சிகிச்சை பெறும் நிலையில், டெங்கு காய்ச்சலாக இருக்குமோ என பொதுமக்கள் அச்சமடைந்துள்ளனர்.

தேனி மாவட்டம் பெரியகுளம் அருகே உள்ள தாமரைக்குளம் பேரூராட்சிக்கு உட்பட்ட காந்திநகர், தென்கரை, கைலாசபட்டி உள்ளிட்ட பகுதிகளில் 10க்கும் மேற்பட்டோர் மர்ம காய்ச்சலால் பாதிக்கப்பட்டுள்ளனர். மர்ம காய்ச்சலால் பாதிக்கபட்டவர்களுக்கு பெரியகுளம் அரசு மாவட்ட தலைமை மருத்துவமணையில் சிகிச்சை அளிக்கப்பட்டு வருகிறது.

இந்நிலையில் கடந்த சில தினங்களாக மர்ம காய்ச்சல் அதிகமாக பரவி வருவதால், டெங்கு காய்ச்சல் பரவி வருகின்தோ என அப்பகுதி மக்கள்அச்சத்தில் உள்ளனர். எனவே தாமரைக்குளம் நிர்வாகம் உரிய நடவடிக்கை எடுத்து மர்ம காய்ச்சலை கட்டுப்படுத்த வேண்டும் என மக்கள் கோரிக்கை விடுத்துள்ளனர்.