[X] Close

பாலிவுட் நடிகர்களுடன் கலந்துரையாடிய பிரதமர் மோடி: செல்ஃபி எடுத்துக் கொண்ட பிரபலங்கள்!

india-s-first-5g-video-call-demoed-by-ericsson-qualcomm-at-imc

திரையுலகம் மூலம் மகாத்மா காந்தியின் கொள்கைகளை பிரபலப்படுத்தும் முயற்சியில் பிரதமர் நரேந்திர மோடி ஈடுபட்டுள்ளதாக பாலிவுட் நடிகர்கள் புகழாரம் சூட்டியுள்ளனர்.


Advertisement

மகாத்மா காந்தியின் 150ஆவது பிறந்தநாளை கொண்டாடும்‌ நிகழ்ச்சி டெல்லியில் நடைபெற்றது. இதில், பாலிவுட் நடிகர்களான ஷாருக்கான், அமீர்கான், கங்கனா ர‌னாவத் உள்ளிட்டோர் பங்கேற்றனர். அப்போது மகாத்மா காந்தி குறித்த குறும்படம் ஒன்றை பிரதமர் மோடி வெளியிட்டார்.


Advertisement

பின்னர் திரைத்துறையினர் முன் கலந்துரையாடிய மோடி, ‌படைப்பாற்றலின் சக்தி மகத்தானது என்றும், மகாத்மா காந்தியின் கொள்கைகளை பிரபலப்படுத்தும் வகையில் திரைப்படங்கள், தொலைக்காட்சிகள் போன்றவை பெரும் பணிகளை செய்து வருவதாகவும் கூறினார். எளிமைக்கு பாத்திரமான காந்தியின் எண்ணங்கள் தொலைத்தூரத்திலும் எதிரொலிப்பதாக மோடி தெரிவித்தார். 

நிகழ்ச்சியின் முடிவில் தண்டியில் உள்ள அருங்காட்சியகத்தை அனைவரும் பார்வையிடுமாறு மோடி கேட்டுக் கொண்டார். இது குறித்து தனது ட்விட்டர் பக்கத்தில் பதிவிட்டுள்ள மோடி, திரையுலக பிரபலங்களை சந்தித்ததில் மகிழ்ச்சி எனத் தெரிவித்துள்ளார்.


Advertisement

காந்தி பற்றிய விழிப்புணர்வுகளைப் பரப்புவதில் கலைஞர்களின் பங்கு குறித்து மோடி தங்களிடம் கலந்துரையாடியதற்கு நன்றி என நடிகர் ஷாருக்கான் டிவீட் செய்துள்ளார். நிகழ்ச்சியில் கலந்து கொண்ட திரையுலக பிரபலங்கள் பிரதமர் மோடியுடன் செல்ஃபி எடுத்துக் கொண்டனர்.

loading...

Advertisement

Advertisement

Advertisement