அயோத்தியில் டிசம்பர் 10 வரை 144 தடை உத்தரவு

india-s-first-5g-video-call-demoed-by-ericsson-qualcomm-at-imc

அயோத்தி வழக்கில் உச்சநீதிமன்றம் விரைவில் தீர்ப்பு வழங்கும் என எதிர்பார்க்கப்படும், நிலையில், அயோத்தியில் டிசம்பர் 10-ஆம் தேதி வரை 144 தடை உத்தரவு பிறப்பித்து, மாவட்ட ஆட்சியர் உத்தரவிட்டுள்ளார்.


Advertisement

அயோத்தியில் சர்ச்சைக்குரிய 2.77 ஏக்கர் நிலத்தை சன்னி வக்பு வாரியம், நிர்மோஹி அகாடா மற்றும் ராம் லீலா அமைப்புகள் பிரித்து கொள்ள வேண்டும் என அலாகாபாத் உயர் நீதிமன்றம் 2010-ஆம் ஆண்டு தீர்ப்பு அளித்தது. இதை எதிர்த்து தொடரப்பட்ட மேல்முறையீட்டு மனுக்கள் மீது, உச்ச நீதிமன்ற தலைமை நீதிபதி ரஞ்சன் கோகாய் தலைமையிலான அரசியல் சாசன அமர்வு விசாரணை நடத்தி வருகிறது.


Advertisement

தசரா விடுமுறைக்குப் பின்பு இன்று உச்ச நீதிமன்றம் மீண்டும் கூடும் நிலையில், இறுதிக்கட்ட விசாரணையும் தொடங்குகிறது. ரஞ்சன் கோகாய் நவம்பர் 17-ஆம் தேதி ஓய்வுபெறும் நிலையில், அக்டோபர் 17-க்குள் விவாதத்தை முடித்துக் கொள்ள சம்பந்தப்பட்டவர்களுக்கு உச்ச நீதிமன்றம் உத்தரவிட்டுள்ளது.

இந்நிலையில், டிசம்பர் 10-ஆம் தேதி வரை அயோத்தியில் 144 தடை உத்தரவு பிறப்பிக்கப்பட்டுள்ளது. தீபாவளி உள்ளிட்ட தொடர் பண்டிகைகள் வருவதையொட்டியும் 144 தடை உத்தரவு பிறப்பிக்கப்பட்டுள்ளதாக மாவட்ட ஆட்சியர் அனுஜ்குமார் ஜா தெரிவித்துள்ளார். இதன்படி அயோத்தியில் அனுமதியின்றி ட்ரோன்கள் பறக்கவிடுவதற்கும், படகுகளில் அளவுக்கு அதிகமாக ஆள்களை ஏற்றுவதற்கும் தடைவிதிக்கப்பட்டுள்ளது. மேலும், தீபாவளி நேரத்தின்போது பட்டாசுகளை தயார் செய்வதற்கும் விற்பனை செய்வதற்கும் உரிய முன் அனுமதி பெற வேண்டும் எனவும் அறிவுறுத்தப்பட்டுள்ளது.

loading...

Advertisement

Advertisement

Advertisement