அடையாளம் தெரியாத நபர்களால் டெல்லி பெண் சுட்டுக் கொலை 

அடையாளம் தெரியாத நபர்களால் பெண் ஒருவர் சுட்டுக் கொலை செய்யப்பட்டுள்ளார். 

கிழக்கு டெல்லியின் பட்பார்கஞ் பகுதியில் உஷா என்ற பெண் வசித்து வந்தார். இவர் இன்று அதிகாலை தனது காரில் வெளியே சென்றுள்ளார். காலை 6.30 மணியளவில் இவரது கார் அப்பகுதியிலுள்ள கோயில் ஒன்றுக்கு அருகில் நின்று கொண்டிருந்தது. அப்போது அங்கு அடையாளம் தெரியாத நபர்கள் சிலர் வந்துள்ளனர். 

அவர்கள் தங்களிடம் இருந்த துப்பாகியை வைத்து காரில் அமர்ந்திருந்த உஷாவை நோக்கி சுட்டதாக கூறப்படுகிறது. இந்தச் சம்பவத்தில் அவர் பலத்த காயம் அடைந்துள்ளார். இதனைத் தொடர்ந்து அப்பகுதி மக்கள் இவரை மருத்துவமனைக்கு அழைத்து சென்றுள்ளனர். எனினும் மருத்துவமனையில் சிகிச்சை பலன் இன்றி அப்பெண் உயிரிழந்துள்ளார். 

இந்தச் சம்பவம் தொடர்பாக டெல்லி காவல்துறையினர் வழக்குப்பதிவு செய்து விசாரித்து வருகின்றனர். இந்தத் துப்பாக்கிச் சூட்டில் ஈடுபட்டவர்கள் குறித்தும் விசாரித்து வருகின்றனர்.