“பன்மொழிகள் இந்தியாவின் பலவீனம் அல்ல” - ராகுல்காந்தி

பன்மொழிகள் இந்தியாவின் பலவீனம் அல்ல என ராகுல்காந்தி தெரிவித்துள்ளார்.

நாட்டின் ஒரே மொழியாக இந்தி இருக்க வேண்டும் என உள்துறை அமைச்சர் அமித் ஷா தமது ட்விட்டர் பக்கத்தில் பதிவிட்டிருந்தார். இதையடுத்து தமிழக அரசியல் தலைவர்கள் பலரும் கண்டனங்களையும், எதிர்ப்பையும் தெரிவித்தனர். அதுமட்டுமின்றி மத்திய அரசு தமிழர்கள் மீது இந்தியை திணிக்க நினைப்பதாகவும், தமிழை அழிக்க நினைப்பதாகவும் குற்றஞ்சாட்டினர். தமிழ்நாடு மட்டுமின்றி கேரளா, கர்நாடகா உள்ளிட்ட பல மாநிலங்களிலும் இந்தி திணிப்புக்கு எதிராக கண்டன குரல்கள் எழுந்தன.

இந்நிலையில் ராகுல்காந்தி மொழி சர்ச்சை குறித்து தனது கருத்தை ட்விட்டரில் பதிவிட்டுள்ளார். அதில் தமிழ், இந்தி, கன்னடம், மராத்தி, ஆங்கிலம், உருது என 23 மொழிகளை தேசியக்கொடி எமோஜியுடன் குறிப்பிட்ட ராகுல், பன்மொழிகள் இந்தியாவின் பலவீனம் அல்ல  என தெரிவித்துள்ளார்.