“இந்தி இந்தியா? ஒன்றுபட்ட இந்தியா?” - வைகோ ஆவேசம்

நாட்டின் ஒரே மொழியாக இந்தி இருக்கவேண்டும் என்றால் அதில் தமிழகம் இருக்காது என மதிமுக பொதுச் செயலாளர் வைகோ தெரிவித்துள்ளார். 

உள்துறை அமைச்சர் அமித் ஷா தெரிவித்த கருத்து குறித்து செய்தியாளர் எழுப்பிய கேள்விக்கு அவர் இவ்வாறு பதிலளித்தார். மேலும், இந்தி இந்தியா வேண்டுமா? ஒன்றுபட்ட இந்தியா வேண்டுமா? எனவும் அவர் கேள்வி எழுப்பியுள்ளார்.

இதனிடையே, தென்னிந்தியாவில் இந்தியை திணித்தால் வெறுப்பும்‌ எதிர்ப்பும்தான் கிளம்பும் என தமிழ்நாடு காங்க‌ரஸ் ‌கமிட்டி தலைவர் கே.எஸ்.அழகிரி தெரிவித்துள்ளார். டெல்லியில் செய்தியாளர்களை சந்தித்த அவர்‌ இவ்வாறு கூறினார்.

மேலும், தமிழகத்தில் இருமொழிக் கொள்கைதான் தொடரும் என மீன்வளத்துறை அமைச்சர் ஜெயக்குமார் தெரிவித்துள்ளார். சென்னையில் செய்தியாளர்களிடம் பேசிய அவர், மக்கள் விரும்பாத எந்த மொழியும் ஏற்றுக்கொள்ளப்பட மாட்டாது எனக் கூறினார்.