பாலியல் புகாரில் சிக்கிய நீச்சல் பயிற்சியாளர் கைது

india-s-first-5g-video-call-demoed-by-ericsson-qualcomm-at-imc

நீச்சல் வீராங்கனைக்கு பாலியல் தொல்லை கொடுத்த பயிற்சியாளர் டெல்லியில் கைது செய்யப்பட்டார்.


Advertisement

கோவா நீச்சல் அணி பயிற்சியாளராக இருந்தவர் சுரஜித் கங்குலி. இவர், தன்னிடம் பயிற்சி பெற்ற 15 வயது வீராங்கனைக்கு பாலியல் தொல்லை கொடுத்த வீடியோ, வெளியாகி பரபரப்பானது. பாதிக்கப்பட்ட வீராங்கனையும் சுரஜித்தின், பாலியல் தொல்லை குறித்து வீடியோவில் கூறியிருந்தார். 


Advertisement

இந்த சம்பவம் குறித்து வீராங்கனையின் தந்தை போலீசில் புகார் செய்தார். கோவா போலீசார், பயிற்சியாளர் சுரஜித் கங்குலி மீது பாலியல் வன்கொடுமை உட்பட 3 பிரிவுகளின் கீழ் வழக்குப்பதிவு செய்தனர். பாதிக்கப்பட்டவர் சிறுமி என்பதால் போக்சோ சட்டத்தின் படியும் வழக்குப் பதிவு செய்யப்பட்டது. இதையடுத்து சுரஜித் கங்குலி தலைமறைவானார். அவரை போலீசார் தேடி வந்தனர்.

இதற்கிடையே அவரை, கோவா நீச்சல் அணியின் பயிற்சியாளர் பதவியில் இருந்து அம்மாநில நீச்சல் சங்கம் உடனடியாக நீக்கியது. மத்திய விளையாட்டு துறை மந்திரி கிரண் ரிஜிஜூ, சம்பந்தப்பட்ட பயிற்சியாளர் மீது கடும் நடவடிக்கை எடுக்கப்படும் என்று கூறியிருந்தார். இந்நிலையில் டெல்லியில் அவர் கைது செய்யப்பட்டார். இதற்கிடையே அவருக்கு இந்திய நீச்சல் சங்கம் நேற்று தடை விதித்தது. 


Advertisement
loading...

Advertisement

Advertisement

Advertisement