வந்தாச்சு நடைமேடை திரை கதவுகள்.. இனி மெட்ரோவில் இல்லை தற்கொலை

india-s-first-5g-video-call-demoed-by-ericsson-qualcomm-at-imc

தற்கொலை செய்து கொள்ள நினைப்பவர்கள் தேர்ந்தெடுக்கும் வழிமுறையில் ஒன்றுதான் ரயில்வே தண்டவாளம். முன்னதாக எலக்ட்ரிக், எக்ஸ்பிரஸ் ரயில் முன் பாய்ந்து தற்கொலை செய்து கொண்டவர்கள் தற்போது ஒரு படி மேலாக மெட்ரோ ரயில் முன் குதித்து தற்கொலை செய்துகொள்கிறார்கள்.


Advertisement

நாட்டின் தலைநகரான டெல்லி, கொல்கத்தா உள்ளிட்ட பல நகரங்களில் மெட்ரோ ரயில் தனது சேவையை தொடரும் நிலையில் இதன்முன் ஒரு சிலர் பாய்ந்து தங்களது உயிரை மாய்த்துக் கொள்கிறார்கள். கடந்த ஆண்டில் இங்கு ஏறக்குறைய 100 பேர் மெட்ரோ ரயில் முன் பாய்ந்து தற்கொலை செய்து கொண்டுள்ளதாக ஒரு அறிக்கை கூறுகிறது.

சாதாரணமாக நீங்கள் மெட்ரோவில் பயணம் செய்கிறீர்கள் என வைத்துக்கொள்வோம். நீங்கள் செல்லும் வழித்தடத்திற்கான நடைமேடையில் நிற்கும் போது ரயில் வருவதற்கு முன் உங்களால் சர்வசாதரணமாக தண்டவாளத்தை பார்க்க முடியும். தற்கொலை செய்பவர்களோ, ரெயில் வரும் நேரத்தில் சரியாக நடைமேடையில் இருந்து பிளாட்பாரத்தில் குதித்து தற்கொலை செய்கிறார்கள்.


Advertisement

ஆனால் இதனை தடுப்படுதற்காக இந்தியாவிலிலேயே முதன்முறையாக சிறப்பு முறை தமிழகத்தில் செயல்படுத்தப்பட உள்ளது. நாளை முதல் தொடங்கப்படும் திருமங்கலம்- நேரு பூங்கா இடையிலான சுரங்க மெட்ரோ ரயில் சேவையில் இத்திட்டம் அறிமுகமாகிறது.

இதன்படி, மெட்ரோவில் பயணம் செய்வதற்காக நீங்கள் நடைமேடையில் நிற்கும் போது உங்களால் தண்டவளாத்தை பார்ப்பது என்பது இயலாது. நீங்கள் நிற்கும் பிளாட்பார்மில், நடைமேடை திரை கதவுகள் அமைக்கப்பட்டிருக்கும். மெட்ரோ ரயில் சரியாக உங்களுக்கான தண்டவாளத்தில் நிற்கும் போது, உங்கள் முன்னால் உள்ள நடைமேடை திரை கதவுகள் திறக்கப்படும். அதற்கு நேராகவே மெட்ரோ ரயிலின் கதவுகளும் திறக்கப்படும். இதன் மூலம் உங்களால் தண்டவாளத்தில் குதிக்கவோ, வேறு எதுவும் செய்யவோ முடியாது. ஒரே வழி தான். உங்களால் மெட்ரோ ரயிலில் ஏற மட்டும் தான் முடியும். நீங்கள் ஏறிய பின் மெட்ரோ கதவுகள் தானாகவே அடைக்கப்படும். இதனால் தற்கொலை என்பது நிகழாது.

எனவே சென்னை மெட்ரோ ரயில் நிர்வாகமும் தற்கொலை தடுக்க ஒரு முயற்சி மேற்கொண்டிருக்கிறது என்று சொன்னால் அது மிகையாகாது.


Advertisement
loading...

Advertisement

Advertisement

Advertisement