பிளஸ் டூ தேர்வு முடிவுகள் வெளியீடு: 92.1% பேர் தேர்ச்சி

பிளஸ் டூ தேர்வு முடிவுகள் இன்று காலை வெளியிடப்பட்டது. இதில் 92.1 சதவிகித மாணவர் மாணவியர் தேர்ச்சி பெற்றுள்ளனர்.

கடந்த மார்ச் 2-ம் தேதி பிளஸ் டூ தேர்வு தொடங்கி, மார்ச் 31ம் தேதி முடிவடைந்தது. தமிழ்நாடு மற்றும் புதுச்சேரியில் 6 ஆயிரத்து 737 பள்ளிகளில் 8 லட்சத்து 98 ஆயிரத்து 753 பேர் தேர்வு எழுதினார்கள். மாணவர்களை விட 62,843 மாணவிகள் கூடுதலாக தேர்வு எழுதினார்கள். பள்ளி மாணவர்களைத் தவிர தனித்தேர்வர்களும் எழுதினார்கள். மொத்தத்தில் 9 லட்சத்து 30 ஆயிரம் மாணவ-மாணவிகள் தேர்வு எழுதினார்கள். புதுச்சேரியில் 143 பள்ளிகளில் 33 தேர்வு மையங்களில் 15 ஆயிரத்து 660 பேர் தேர்வு எழுதினார்கள்.

இந்த நிலையில் பிளஸ்-2 தேர்வு முடிவு இன்று காலை 10 மணிக்கு சென்னை டி.பி.ஐ. வளாகத்தில் வெளியிடப்பட்டது. இதில் மொத்த மாணவர்களில் 92.1 மாணவ, மாணவியர் தேர்ச்சி பெற்றுள்ளனர்.