புல்வாமா தாக்குதல் எதிரொலி: பாகிஸ்தானிலிருந்து இறக்குமதி 92% சரிவு

புல்வாமா தாக்குதலைத் தொடர்ந்து பாகிஸ்தானிலிருந்து இந்தியாவின் இறக்குமதி 92 சதவிகிதம் குறைந்துள்ளது. 

காஷ்மீரின் புல்வாமா பகுதியில் சி.ஆர்.பி.எப். வீரர்கள் மீது பயங்கரவாதிகள் நடத்திய தாக்குதலுக்குப் பதிலடியாக, பாகிஸ்தானின் பாலகோட் பகுதியில் பயங்கரவாதிகள் முகாம் மீது இந்தியா  தாக்குதல் நடத்தியது. இதைத்தொடர்ந்து இந்தியா பாகிஸ்தான் இடையேயான உறவு பாதிக்கப்பட்டது.

இதனைத் தொடர்ந்து பாகிஸ்தானுடனான வர்த்தகத்தை இந்தியா கடுமையாக்கியது. அதைத் தொடர்ந்து பாகிஸ்தானிலிருந்து இறக்குமதி செய்யும் பொருட்களுக்கு 200 சதவிகிதம் சுங்க வரியை இந்தியா விதித்தது. அதைத் தொடர்ந்து சென்ற மார்ச் மாதத்தில் பாகிஸ்தானிலிருந்து இறக்குமதி செய்தது 92 சதவிகிதம் குறைந்து சுமார் 19 கோடி ரூபாயாக சரிவடைந்தது. 

இதுவே முந்தைய‌ நிதியாண்டின் இதே மார்ச் மாதத்தில் பாகிஸ்தானிலிருந்து சுமார் 240 கோடி ரூபாயாக இருந்ததாக புள்ளி விவரங்கள்‌ தெரிவிக்கின்றன.