பெங்களூரு மத்திய தொகுதியில் நடிகர் பிரகாஷ் ராஜ் பின்னடைவு

பெங்களூரு மத்திய தொகுதியில் சுயேட்சையாகப் போட்டியிட்ட நடிகர் பிரகாஷ் ராஜ், குறைவான வாக்குகள் பெற்று பின் தங்கியுள்ளார். 

பாஜவுக்கும் பிரதமர் மோடிக்கும் எதிராக சமூக வலைத்தளங்களில் கருத்துத் தெரிவித்து வந்த நடிகர் பிரகாஷ் ராஜ், மக்களவைத் தேர்தலில் கர்நாடகாவின் பெங்களூரு மத்திய தொகுதியில் சுயேச்சை வேட்பாளராக களமிறங்கினார். அதோடு, ஆத் ஆத்மி வேட்பாளர்களை ஆதரித்தும் அவர் பிரசாரம் செய்தார். 

பெங்களூரு மத்திய தொகுதியில், காங்கிரஸ் சார்பில் ரிஸ்வான் அர்ஷத், பாஜக சார்பில் தற்போதைய எம்.பி, பி.சி.மோகன் உட்பட பலர் போட்டி யிட்டனர். இந்நிலையில் இந்த தொகுதியில் காங்கிரஸ் வேட்பாளர் ரிஸ்வான் 2,86,969 வாக்குகள் முன்னிலை பெற்றுள்ளார். கடந்த தேர்தலில், 1.37 லட்சம் வாக்குகள் வித்தியாசத்தில் ரிஸ்வானை தோற்கடித்திருந்தார் மோகன். இப்போது அவரை விட ரிஸ்வான் முன்னிலையில் உள் ளார்.
இந்நிலையில், சுயேட்சையாகப் போட்டியிட்ட நடிகர் பிரகாஷ் ராஜ் வெறும் 30 ஆயிரம் வாக்குகள் மட்டுமே பெற்று பின் தங்கியுள்ளார்.