[X] Close >

ஒரு கிராமத்தையே பயமுறுத்தும் குரங்கு ! கடித்து குதறுவதால் மக்கள் அச்சம் 

A-monkey-has-mocked-more-than-30-people-in-a-village-Near-Chidambaram

சிதம்பரம் அருகே ஓரே கிராமத்தைச் சேர்ந்த மூதாட்டி உட்பட 30க்கும் மேற்பட்டோரை குரங்கு கடித்ததால் அப்பகுதி மக்களிடையே பெரும் அச்சம் ஏற்பட்டுள்ளது. 


Advertisement

சிதம்பரம் அருகே உள்ளது வடக்குமாங்குடி கிராமம். இக்கிராமத்தில் ஏராளமான குரங்குகள் குடியிருப்பு பகுதிக்குள் புகுந்து தினமும் அட்டகாசம் செய்து வருகிறது. கடந்த சில வாரங்களாக இந்த கிராமத்திற்குள் ஏராளமான குரங்குகள் கூட்டமாக புகுந்து அட்டகாசம் செய்து வருவதாகவும், வீடுகளுக்குள் புகுந்து பொருள்களை நாசம் செய்வதாகவும், சிறு குழந்தைகள் முதல் பெரியவர்கள் வரை அனைவரையும் குரங்குகள் கடித்து குதறுவதாகவும் கூறப்படுகிறது.


Advertisement

இந்நிலையில் தற்போது இதே கிராமத்தைச் சேர்ந்த நாகாயாள்(60) என்கிற மூதாட்டியை குரங்கு கடித்தது. இதனால் தலையில் பலத்த காயமடைந்த அவரை கிராம மக்கள் உடனடியாக சிதம்பரம் அரசு மருத்துவமனையில் சிகிச்சைக்காக அனுமதித்துள்ளனர். அங்கு அவருக்கு சிகிச்சை அளிக்கப்பட்டு வருகிறது.


இந்தச் சூழலில் கிராமத்தில் உள்ள குரங்குகளை பிடித்து காட்டுப் பகுதியில் விட வேண்டும் என வடக்குமாங்குடி கிராம மக்கள் வனத்துறைக்கு தொடர்ச்சியாக கோரிக்கை விடுத்தும், வனத்துறை அதற்கான முயற்சிகளில் ஈடுபடாமல் அலட்சியப்படுத்துவதாக குற்றம் சாட்டுகின்றனர். மேலும் குரங்குகளை பிடிக்க வனத்துறை அதிகாரிகள் உடனடியாக நடவடிக்கை எடுக்காவிட்டால், வடக்குமாங்குடி கிராமத்தை விட்டு குடும்பம் குடும்பமாக வெளியேறுவோம் என கிராம மக்கள் எச்சரித்து உள்ளனர். 

வீடியோ

Advertisement:

Advertisement

Advertisement

Advertisement
[X] Close