தொடங்கியது 5 ஆவது கட்ட மக்களவைத் தேர்தல் !

5வது கட்ட மக்களவை தேர்தல் 51 தொகுதிகளில் காலை 7 மணிக்கு வாக்குப்பதிவு தொடங்கியது. மக்கள் ஆர்வமுடன் வரிசையில் நின்று வாக்களித்து வருகின்றனர்

மக்களவை தேர்தல் இதுவரை 4 கட்டங்களாக 373 தொகுதிகளு‌க்கு தேர்தல்‌ நடந்து முடிந்துள்ளது. இந்நிலையில் 5வது ‌கட்டத் தேர்தல் 7 மாநிலங்களில் உள்ள 51 தொகுதிகளில் இன்று நடைபெறுகிறது. உ‌த்தரப்பிரதேசம், ராஜஸ்தான், மேற்கு வங்கம், மத்திய பிரதேசம், பீகார், ஜார்க்கண்ட், காஷ்மீர் ஆகிய 7 மாநிலங்களில் தேர்தல் நடைபெறுகிறது. 

இதில் உத்தரப்பிரதேசத்தில் அதிகபட்சமாக 14 தொகுதிகளில் 5வது கட்டமாக தேர்தல் நடைபெறுகிறது. ராஜஸ்தான் மாநிலத்தில் 12 தொகுதிகளில் இறுதிக்கட்டத் தேர்தல் நடைபெறுகிறது. மேற்கு‌ வங்கம் மற்றும் மத்திய பிரதேசம் ஆகிய மாநி‌லங்களில் தலா 7 தொகுதிகளி்ல் வாக்குப்பதிவு நடைபெறுகிறது. பீகாரில் 5 தொகுதிகளிலும் ஜார்க்கண்டில் 4 தொகுதிகளிலும் காஷ்மீரில் இறு‌திக்கட்டமாக 2 தொகுதிகளில் வாக்குப்பதிவு நடைபெறுகிறது

இந்த தேர்தலில் 674 வேட்பாளர்கள் களத்தில் உள்ளனர். 8 கோடியே 75 லட்சம் வாக்காளர்களுக்காக மொத்தம் 94 ஆயிரம் வாக்குப் பதிவு மையங்கள் அமைக்கப்பட்டுள்ளன. பதற்றம் நிறைந்த தொகுதிகளில் பாதுகாப்பு பலப்படுத்தப்பட்டுள்ளது. குறிப்பாக முதல் 4 கட்டத் தேர்தலிலும் அதிகளவு வன்முறை சம்பவ‌ங்கள் நடைபெற்ற மேற்கு வங்கத்தில் துணை ராணுவ படையினர் குவிக்கப்பட்டுள்ளனர். காஷ்மீரில் நடைபெற உள்ள இறுதிக் கட்டத் தேர்தலுக்கும் பலத்த பாதுகாப்பு ஏற்பாடுக‌ள் செ‌ய்யப்ப‌ட்டுள்ளன.