[X] Close

கெஜ்ரிவால் மீதான தாக்குதல், பாஜகவின் விரக்தியை காட்டுகிறது: சந்திரபாபு நாயுடு

Subscribe
Assault-on-Kejriwal-reflects-desperation-of-BJP--N-Chandrababu-Naidu

டெல்லி முதல்வர் அரவிந்த் கெஜ்ரிவால் மீதான தாக்குதல், பாஜகவின் விரக்தியை காட்டுகிறது என்று ஆந்திர முதலமைச்சர் சந்திரபாபு நாயுடு தெரிவித்துள்ளார். 


Advertisement

மக்களவை தேர்தலையொட்டி டெல்லியில் பரப்புரை மேற்கொண்டிருந்த ஆம் ஆத்மி தலைவர் அரவிந்த் கெஜ்ரிவாலின் கன்னத்தில், சிவப்பு சட்டை அணிந்த நபர் ஒருவர் பாய்ந்து வந்து, பளார் என்று அறைந்தார். இதனால் அதிர்சசி அடைந்த அவர், சரிந்து விழுந்தார். இதையடுத்து, தாக்கியவரை பிடித்து இழுத்த தொண்டர்கள், அவரைச் சரமாரியாகத் தாக்கி, போலீசாரிடம் ஒப்படைத்தனர். அவர் பெயர் சுரேஷ் என்பது பின்னர் தெரியவந்தது.


Advertisement

இந்த தாக்குதல் பற்றி ஆம் ஆத்மி கட்சி, 'டெல்லி முதல்வர் மீது மற்றொரு தாக்குதல் நடத்தப்பட்டிருக்கிறது. கோழைத்தமாக நடத்தப்பட்ட இந்த தாக்குதல் எதிர்க்கட்சிகளின் தூண்டுதலின்பேரில் நடந்துள்ளது. இப்படி செய்து எங்கள் வெற்றியை தடுத்து விட முடியாது' என்று தெரிவித்துள்ளது. இந்த சம்பவத்துக்கு பலரும் கண்டனம் தெரித்து வருகின்றனர். 

இதுபற்றி ஆந்திர மாநில முதலமைச்சரும் தெலுங்கு தேசக் கட்சியின் தலைவருமான சந்திரபாபு நாயுடு கூறும்போது, ’’தோல்வியின் விரக்தி யில் இருக்கும் பாஜக, இதுபோன்ற தாக்குதல்களில் ஈடுபட்டுள்ளது. இதை வன்மையாக கண்டிக்கிறேன். ஜனநாயக முறைப்படி மக்களால் தேர்ந்தெடுக்கப்பட்ட ஒரு முதலமைச்சரை இப்படி கொடூரமாகத் தாக்குவதை ஏற்றுக்கொள்ள முடியாது. பாதுகாப்பு ஏற்பாடுகளைச் சரியாக செய்யாத டெல்லி போலீஸ் இதற்கு பொறுப்பேற்க வேண்டும். இத்தகைய தாக்குதல்கள் ஜனநாயகத்தை பலப்படுத்துவதற்கான நமது உறுதியை, வலுப்படுத்தும்’’ என்று தெரிவித்துள்ளார்
 


Advertisement
Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close