[X] Close >

“இப்போதுதான் அணி சரியா போய் கொண்டிருக்கிறது” - ராஜஸ்தான் கேப்டன் ஸ்மித்

Rajasthan-Captain-Steve-Smith-Said-about-Team-Condition

கடந்த இரண்டு போட்டிகளில் ராஜஸ்தான் அணி வென்றதில் தனது பங்களிப்பு இருப்பதை நினைத்து மகிழ்ச்சியடைவதாக அந்த அணியின் கேப்டன் ஸ்டீவ் ஸ்மித் தெரிவித்துள்ளார்.


Advertisement

ஐபிஎல் தொடரின் 49வது லீக் போட்டி ராயல் சேலஞ்சர்ஸ் பெங்களூர் மற்றும் ராஜஸ்தான் ராயல்ஸ் அணிகள் இடையே இன்று நடைபெறுகிறது. பெங்களூர் அணி இதுவரை விளையாடியுள்ள 12 போட்டிகளில் 4 போட்டிகளில் மட்டுமே வெற்றி பெற்றுள்ளது. இதனால் அது ப்ளே ஆஃப் சுற்றில் பங்கேற்கும் வாய்ப்பை முற்றிலும் இழந்துவிட்டது. 

ஆனால் ராஜஸ்தான் அணி அடுத்த இரண்டு போட்டிகளிலும் அதிக ரன் ரேட்டில் வெற்றி பெற்று, அதேசமயம் ஹைதராபாத் மற்றும் கொல்கத்தா அணிகள் தோல்வியடைந்தால் ப்ளே ஆஃபில் இடம்பெறும் வாய்ப்புள்ளது. முன்னதாக தொடர் தோல்வியை சந்தித்து வந்த ராஜஸ்தான் அணி, ஆஸ்திரேலிய வீரர் ஸ்டீவ் ஸ்மித்தை கேட்பனாக போட்ட பின்னால் 3ல் இரண்டு போட்டிகளை வென்றுள்ளது.


Advertisement

இதுதொடர்பாக பேசியுள்ள ஸ்மித், “நான் குறைவான நேரம் இருக்கும்போது பொறுப்பை கையில் எடுத்துள்ளேன் என்று நினைக்கிறேன். ஆரம்பத்தில் நான் தனிப்பட்ட வகையிலும் அணியில் கூட்டாக செயல்படாதது போல் இருந்தது. அணியும் கூட்டாக செயல்பட்டதாக தெரியவில்லை. 

ஆனால் இப்போது நான் சற்று சிறப்பாக தொடர் சென்று கொண்டிருப்பதை உணர்கிறேன். கடந்த இரண்டு போட்டிகளை வென்றதும், அதில் என் பங்களிப்பு இருந்ததும் மகிழ்ச்சி அளிக்கிறது. தற்போது அணி சரியாக சென்றுகொண்டிருக்கிறது, இது சிறப்பானது” என்று தெரிவித்துள்ளார். 


Advertisement
Advertisement:

Advertisement

Advertisement

Advertisement
[X] Close