[X] Close

ஜல்லிக்கட்டு நினைவுச் சின்னம் அமைக்கப்படும்  - முதலமைச்சர் உறுதி

Subscribe
CM-Palanisamy-as-Novel-propagation-in-Election-Campaign-at-theni

மதுரை மாவட்டம் அலங்காநல்லூரில் ஜல்லிக்கட்டு நினைவுச் சின்னம் அமைக்கப்படும் என முதலமைச்சர் எடப்பாடி பழனிசாமி தெரிவித்துள்ளார். 


Advertisement

மக்களவைத் தேர்தலில் அதிமுக கூட்டணிக்கட்சி வேட்பாளர்களை ஆதரித்து, தமிழகம் முழுவதும் முதலமைச்சர் எடப்பாடி பழனிசாமி பரப்புரை மேற்கொண்டு வருகிறார்.தேனி மக்களவைத் தொகுதியில் களமிறங்கியுள்ள துணை முதல்வர் ஓ.பன்னீர் செல்வத்தின் மகன் ரவீந்திரநாத் குமாருக்கு ஆதரவாக, முதலமைச்சர் எடப்பாடி பழனிசாமி, தேனி மக்களவைத் தொகுதிக்குட்பட்ட மதுரை மாவட்டம் அலங்காநல்லூர் உள்ளிட்ட பகுதிகளில் அவர் வாக்கு சேகரித்தார். திறந்தவெளி வாகனத்தில் நின்றவாறே பேசிய எடப்பாடி பழனிசாமி,விவசாயிகளுக்காக எந்தத் தியாகமும் செய்ய தங்கள் அரசு தயாராக இருக்கிறது என்றும் விவசாயிகள் தான் தங்கள் உயிர் என்றும் பேசினார்.


Advertisement

தொடர்ந்து விவசாயிகளுக்குத் தேவையான தண்ணீரைப் பெற்றுத் தருவதே தங்‌களின் முதல் கொள்கை என்றும் இப்பகுதி மக்கள் செழிப்புடன் வாழ அனைத்து உதவிகளும் செய்து தரப்படும் எனத் தெரிவித்தார். மேலும் மதுரை மாவட்டம் அலங்காநல்லூரில் ஜல்லிக்கட்டு நினைவுச் சின்னம் அமைக்கப்படும் என முதலமைச்சர் எடப்பாடி பழனிசாமி உறுதியளித்தார். அதைத் தொடர்ந்து தனிச்சியம் பிரிவு, செக்கான் ஊரணி மற்றும் உசிலம்பட்டி உள்ளிட்ட பகுதிகளிலும் வாக்குச் சேகரிப்பில் அவர் ஈடுபட்டு வருகிறார். 

Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close