திருவாரூர் ஆழித் தேரோட்டம் : ஏராளமான பக்தர்கள் பங்கேற்பு

india-s-first-5g-video-call-demoed-by-ericsson-qualcomm-at-imc

திருவாரூர் தியாகராஜர் கோவிலின் ஆழித் தேரோட்டம் வெகு விமர்சையாக நடைபெற்றது. ஏராளமான பக்தர்கள் தேரை வடம் பிடித்து இழுத்து சாமி தரிசனம் செய்தனர்.


Advertisement

திருவாரூர் ஆழித்தேர் அசைந்து வரும் அழகினை காண கண் ‌கோடி வேண்டும் என்பார்கள். தோன்றிய காலத்தை அறுதியிட்டுக் கூற முடியாத அளவு பழமையானது என திருநாவுக்கரசரால் பாடப்பட்ட பெருமைக்குரியவை, தியாகராஜ சுவாமி திருக்கோவிலும் அதனோடு இணைந்த ஆழித்தேரும். திருமுறையில் பாடப்பெற்ற பெருமையும் ஆழித்தேருக்கு மட்டுமே சொந்தமானது. 16.22 ஏக்கர் பரப்பளவில் அமைந்துள்ள தியாகராஜ சுவாமி திருக்கோவிலில், 3 பிரகாரங்களும், 78 சன்னதிகளும், 9 கோபுரங்களும், 11 மண்டபங்களும் உள்ளன. 114 சிவலிங்க திருமேனிகளையும், 54 விநாயகர் விக்ரகங்களையும் கொண்டுள்ளது.


Advertisement

திருவாரூர் தியாகராஜர் சுவாமி கோயில் ஆழித்தேர் 96 அடி உயரமும் 31 அடி அகலமும் 300 டன் எடையும் கொண்டது. ஆழித்தேருக்காக 31 அடி உயரத்திலான மரத்தேர் முடிக்கப்பட்டுள்ள நிலையில், அதற்கு மேல் பனஞ்சப்பை, மூங்கில்கள், தேர்ச்சீலைகள் அமைக்கப்படும். 2 இரும்பு அச்சுகளில் 9 அடி விட்டமும், ஒன்றரை அடி அகலமும் உடைய 4 இரும்பு சக்கரங்களின் மேல் கலை நயம் மிக்க சிற்பங்களும் அமைந்துள்ளது. ஆழித்தேருக் கான 4 பெரிய குதிரைகள் கும்பகோணத்தில் தயார் செய்யப்பட்டுள்ளன. மேலும் கண்ணப்ப நாயனார், அமர்நீதிநாயனார், ஏனாதிநாயனார் போன்ற 63 நாயன்மார்களின் சிற்பங்களும், பெரிய புராணம் மற்றும் சிவனின் திருவிளையாடல்களை விளக்கும் சிவபுராண காட்சிகளும் இத்தேரில் சிற்பங்களாக வடிவமைக்கப்பட்டிருக்கின்றன. ஆசியாவிலேயே இரண்டாவது மிகப்பெரிய தேர் திருவாரூர் ஆழித்தேர்.


திருவாரூர் ஆழித் தேரோட்டம் இன்று காலை 7.15 மணி அளவில் தொடங்கியது. பல்லாயிரக்கணக்கான பக்தர்கள் தேரை வடம் பிடித்து இழுத்தனர். திருவாரூர் மாவட்ட ஆட்சியர் ஆனந்த் வடம் பிடித்து இழுத்து தொடங்கி வைத்தார். கடந்த திங்கள்கிழமை தியாகராஜர் வீதி உலா மூலம் வந்து தேரில் வைக்கப்பட்டார். பின் ஒரு வார காலமாக அபிஷேக ஆராதனைகள் தியாகராஜருக்கு நடைபெற்று இன்று தேரோட்டம் நடைபெற்றது. 


Advertisement

தமிழகம் மட்டுமின்றி பல்வேறு மாநிலங்களில் இருந்தும் வெளிநாடுகளில் இருந்தும் பல்லாயிரக்கணக்கான பக்தர்கள் திருவாரூர் ஆழித் தேரோட்டத்தை கண்டுகளித்தனர். எண்கோண வடிவமாக அமைந்துள்ள ஆழித்தேரினை நான்கு மாட வீதிகளில் உலா வரும் பொழுது குதிரைகள் அசையும் அழகு காண்பதற்கு கன்கொள்ளா காட்சியாக இருந்தது என பொதுமக்கள் தெரிவிக்கின்றனர்.

படங்கள் : ராஜசேகர், செய்தியாளர் - திருவாரூர்.

loading...

Advertisement

Advertisement

Advertisement