[X] Close >

மிரட்டுவார்களா கோலி, டிவில்லியர்ஸ் - பெங்களூரு முதல் பேட்டிங்

CSK-win-the-toss--elect-to-bowl-first

சேப்பாக்கத்தில் நடைபெற்று வரும் முதல் போட்டியில் டாஸ் வென்ற சென்னை அணி முதல் பந்துவீச முடிவு செய்துள்ளது.


Advertisement

12-வது ஐ.பி.எல். டி20 கிரிக்கெட் தொடரின் முதல் போட்டி சென்னை சேப்பாக்கம் மைதானத்தில் இன்று நடக்கிறது. இதில் சென்னை சூப்பர் கிங்ஸ் அணியும், பெங்களூரு ராயல் சேலஞ் சர்ஸ் அணியும் மோதுகின்றன. இந்தப் போட்டியில் டாஸ் வென்றுள்ள சிஎஸ்கே அணி பந்துவீச்சை தேர்வு செய்துள்ளது.

சென்னை அணியில் ஷேன் வாட்சன், இம்ரான் தாஹிர் மற்றும் ட்வையின் ப்ராவோ உள்ளிட்ட வெளிநாட்டு அணி வீரர்கள் இடம் பெற்றுள்ளனர். இவர்கள் தவிர அம்பாத்தி ராயுடு, சுரேஷ் ரெய்னா, தோனி, கேதார் ஜாதவ், ரவீந்திர ஜடேஜா, தீபக் சாஹர், ஸ்ர்தல் தாகூர், ஹர்பஜன் சிங் ஆகியோர் இடம்பெற்றுள்ளனர்.


Advertisement

அதேபோல் பெங்களூரூ அணியில் விராட் கோலி, பார்த்தீவ் பட்டேல், மோயின் அலி, ஏ.பி.டிவில்லியர்ஸ், சிம்ரன் ஹெர்ட்மேயர், சிவம் தூபே, காலின் டி க்ராண்ட்ஹோம், உமேஷ் யாதவ், சஹால், முகமது சிராஜ், நவ்தீப் செய்னி ஆகியோர் இடம்பெற்றுள்ளனர்.


Advertisement

டாஸ் வென்ற சென்னை அணியின் கேப்டன் தோனி, “கடந்தாண்டு ஐபிஎல் எங்களுக்கு சிறப்பாக அமைந்தது. இம்முறையும் நாங்கள் சிறப்பாக விளையாடுவோம். இது முதல் போட்டி என்பதால் ஆடுகளம் குறித்து சரியாக கணிக்க முடியவில்லை. ஆனால் என் பார்வைக்கு இதில் பந்துகள் மிகவும் குறைந்த வேகத்தில் தான் வரும் என்று எதிர்பாக்கிறேன்” எனக் கூறினார்.

அதன்பின்னர் விராட் கோலி, “டாஸ் வென்றிருந்தால் நாங்களும் பந்துவீச்சு தேர்வு செய்திருப்போம். ஏனென்றால் மைதானத்தில் கடந்த இரண்டு நாட்களாக பனி இருந்தது. இன்று பார்த்தீவ் பட்டேலுடன் நான் தொடக்க ஆட்டக்காரராக களமிறங்கவுள்ளேன். ஆட்டத்தின் சூழலை பொருத்து ஏபிடி அல்லது மோயின் அலி மூன்றாவது இடத்தில் விளையாடுவார்கள்” எனத் தெரிவித்தார்.

Advertisement:

Advertisement

Advertisement

Advertisement
[X] Close