சவப்பெட்டியில் ஜெயலலிதா உருவபொம்மை: நூதன முறையில் வாக்கு கேட்ட ஓபிஎஸ் அணி

ஆர்.கே.நகர் இடைத்தேர்தலில் போட்டியிடும் ஓபிஎஸ் அணியினர் சவப்பெட்டியை வைத்து நூதன முறையில் பரப்புரை மேற்கொண்டனர். சவப்பெட்டியில் மறைந்த முதலமைச்சர் ஜெயலலிதாவின் உருவபொம்மை வைக்கப்பட்டிருந்தது.

ஆர்.கே.நகர் தொகுதியில் ஏப்ரல் 12-ஆம் தேதி இடைத்தேர்தல் நடைபெறுகிறது. ஒவ்வொரு கட்சியினரும் பரப்புரையில் மும்முரமாக ஈடுபட்டு வருகின்றன.

அதிமுக புரட்சித்தலைவி அம்மா கட்சி சார்பில் போட்டியிடும் மதுசூதனுக்கு ஆதரவாக அந்த அணியினர், சவுப்பெட்டியை வைத்து நூதன முறையில் பரப்புரை மேற்கொண்டனர். சவப்பெட்டியில் மறைந்த முதலமைச்சர் ஜெயலலிதாவின் உருவபொம்மை வைக்கப்பட்டிருந்தது.

ஜெயலலிதாவின் மரணத்திற்கு நீதி விசாரணை வேண்டும் என்பதை வலியுறுத்துவது போல இந்த பரப்புரையை அவர்கள் மேற்கொண்டனர். ஜெயலலிதாவின் மரணத்தில் இருக்கும் மர்மம் விலக வேண்டும் என்று கூறியும் அவர்கள் வாக்கு சேகரித்தனர். சவப்பெட்டி வைத்து வாக்கு சேகரித்தால் அதனை அப்பகுதி மக்கள் ஆச்சரியத்துடன் பார்த்து சென்றனர்.