[X] Close >

சோதனைகளை சாதனைகளாக்கும் தன்னம்பிக்கை திருநங்கைகள்

Transgender-achievements

பிரித்திகா யாசினி... நாட்டிலேயே முதன்முறையாக காவல் உதவி ஆய்வாளராக பொறுப்பேற்றிருக்கும் திருநங்கை. அரசியல் தலைவர்களும் சமூக வலைதள பயன்பாட்டாளர்களும் பிரித்திகா யாசினிக்கு வாழ்த்துகளைத் தெரிவித்து வருகின்றனர். இந்த நிலையை எட்ட அவர் சந்தித்த பிரச்னைகளையும், இவரைப் போன்றே தடைகளைத் தகர்த்து சாதனை புரிந்த திருநங்கைகள் குறித்து தெரிந்து கொள்வோம்.


Advertisement

பிரித்திகா யாசினி: காவல் உதவி ஆய்வாளர் வேலைக்கான விண்ணப்பத்தில், திருநங்கை என்ற பிரிவு இல்லாததால் பிரித்திகா யாசினி அனுப்பிய விண்ணப்பம் முதலில் நிராகரிக்கப்பட்டது. சென்னை உயர்நீதிமன்றத்தை நாடிய பிரித்திகா, தனக்கு சாதகமான தீர்ப்பைப் பெற்று தற்போது காவல் உதவி ஆய்வாளராக தர்மபுரியில் பொறுப்பேற்றுக் கொண்டிருக்கிறார்.

கல்கி சுப்பிரமணியம்: சமூக செயற்பாட்டாளர், எழுத்தாளர் என பன்முகங்களை கொண்ட திருநங்கை. 2008-ஆம் ஆண்டு சகோதரி என்ற அமைப்பை நிறுவியவர். சமீபத்தில் ஹார்வர்டு பல்கலைக்கழகத்தால் கருத்தரங்கில் பேசுவதற்காக அழைக்கப்பட்டவர்.


Advertisement

மனாபி பந்தோபாத்யாய்: திருநங்கைகளுக்கான முதல் இதழை வெளியிட்டவர். 1995-ஆம் ஆண்டு திருநங்கைகளுக்கான OB MANAB என்ற இதழை வெளியிட்டார். 2015-ஆம் ஆண்டு மேற்கு வங்கத்தில் மகளிர் கல்லூரியின் தலைமை நிர்வாகப் பொறுப்பை ஏற்றார். இந்தியாவில் ஒரு கல்லூரிக்கு தலைமைப் பொறுப்பேற்ற முதல் திருநங்கை இவர்தான்.

அஞ்சலி லாமா: திருநங்கையாக இருந்து மாடலிங் துறையில் கால்பதித்தவர். லேக்மி பேஷன் வீக்கில் இவரது ஒய்யார நடை அனைவரையும் வியக்க வைத்தது. அஞ்சலியின் வாழ்க்கைப் போராட்டம் ஆவணப்படமாகவும் எடுக்கப்பட்டுள்ளது.

ரோஸ் வெங்கடேசன்: திருநங்கையாக இருந்து தொலைக்காட்சி நிகழ்ச்சி தொகுப்பாளராக உயர்ந்தவர். 2008-ஆம் ஆண்டு தனியார் தொலைக்காட்சியில் நிகழ்ச்சியைத் தொகுத்து வழங்கத் தொடங்கினார். இவரது துணிவும் தன்னம்பிக்கையும் பலருக்கு வியப்பை அளித்ததோடு தொலைக்காட்சி நிகழ்ச்சிகளை வழங்குதல், செய்தி வாசித்தல் போன்ற துறைகளில் திருநங்கைகள் கால் பதிக்கவும் வழிகாட்டியாக அமைந்தது.


Advertisement

அக்கை பத்மசாலி: இந்தியாவில் கவுரவ ‌டாக்ட‌ர் பட்டம் பெற்ற‌ முதல் திருநங்கை. சமூக செயற்பாட்டாளரான அக்கை பத்மசாலி பாலியல் ரீதியாக ஒடுக்கப்பட்ட‌வர்களின் உரிமைகளு‌க்கு குரல் கொடுத்து வருகிறார். இவரது செயல்களை கவுரவிக்கும் வகையில் ஐ‌க்கிய நாடுகள் சபையின்‌‌ ஒரு அங்கமாக பெங்களூருவில் அமைந்துள்ள அமைதி மற்று‌ம் கல்விக்கான பல்கலைக்கழகம் டாக்டர் பட்டம் வழங்கி இவரை கவுரவித்தது.

Advertisement:

Advertisement

Advertisement

Advertisement
[X] Close