[X] Close

மிடில் ஆர்டர் சிக்கல்: அம்பத்தி ராயுடுவுக்கு விராத் ஆதரவு!

india-s-first-5g-video-call-demoed-by-ericsson-qualcomm-at-imc

நான்காவது வரிசையில் இறங்கி அம்பத்தி ராயுடு சிறப்பாக விளையாடுகிறார் என்று இந்திய கிரிக்கெட் அணியின் கேப்டன் விராத் கோலி கூறினார்.


Advertisement

வெஸ்ட் இண்டீஸ் கிரிக்கெட் அணி இந்தியாவில் சுற்றுப்பயணம் செய்து விளையாட வந்துள்ளது. இரு அணிகளுக்கு இடையிலான இரண்டு போட்டிகள் கொண்ட டெஸ்ட் தொடரை இந்திய அணி வென்றது. இதையடுத்து இரு அணிகளுக்கு இடையே 5 போட்டிகள் கொண்ட ஒரு நாள் தொடர் நடத்தப்படுகிறது. இதன் முதல் போட்டி, அசாம் மாநிலம் கவுகாத்தியில் இன்று நடக்கிறது. இதில் ரிஷாப் பன்ட் அறிமுக வீரராக களமிறங்குகிறார். 


Advertisement

(அம்பத்தி ராயுடு)

இந்தப் போட்டி பற்றி செய்தியாளர்களிடம் பேசிய விராத் கோலி கூறும்போது, ’இந்திய அணி சிறப்பான அணியாக இருக்கிறது. மிடில் வரிசையில் நான்காவது வரிசைக்கு சரியான நபரை தேர்ந்தெடுப்பதுதான் எங்களுக்கு பெரும் சவாலாக இருந்தது. பல வீரரை அந்த இடத்தில் விளையாட வைத்து சோதித்து பார்த்துவிட்டோம். யாரும் அந்த இடத்தில் நிலைத்து நின்று ஆடவில்லை. அம்பத்தி ராயுடுவை இங்கிலாந்து தொடரில் விளையாட வைத்து முயற்சி செய்ய நினைத்தோம். அப்போது அவரால் அந்த தொடரில் பங்கேற்க முடியவில்லை. (யோ யோ டெஸ்ட்டில் அப்போது ராயுடு தேர்வாகவில்லை).


Advertisement

ஆசியக் கோப்பையில் அவரை சோதனை செய்தோம். அவர் அந்த இடத்துக்கு பொருத்தமானவராக இருக்கிறார். அவர் அனுபவமிக்க வீரர். அவரிடம் சிறந்த ஒரு நாள் போட்டிக்கான ரெக்கார்ட் இருக்கிறது. உள்ளூர் போட்டிகளில் அவரது மாநிலத்துக்காக பல, போட்டிகளை வென்று கொடுத்திருக்கிறார். ஐபிஎல் போட்டியிலும் அபாரமாக ஆடியிருக்கிறார். அவர் நிலைத்து நின்று விளையாடி விட்டால், உலகக் கோப்பைக்கு நடுவரிசை பற்றிய கவலை இல்லாமல் போய்விடும்’ என்றார். 

அவரிடம் தோனியின் ஃபார்ம் பற்றி கேட்டபோது, ’விமர்சனம் செய்வது எளிது. தோனியைப் பொருத்தவரை அனுபவ வீரர். எந்த இடத்திலும் இறங்கி, தன்னை நிரூபித்து விளையாடக்கூடியவர். சூழ்நிலைக்கு ஏற்றார்போல், விளையாடும் வீரர்தான் முக்கியம். கடந்த சில போட்டிகளில் முதல் மூன்று பேட்ஸ்மேன்களே 40 ஓவர்கள் வரை நின்று பேட் செய்து விடுகிறார்கள். அதனால், நடுவரிசையிலும், பின்னால் களமிறங்கு பவர்களுக்கு சரியான வாய்ப்பு கொடுக்க முடியவில்லை’ என்றார்.
 

loading...

Advertisement

Advertisement

Advertisement