”கச்சா எண்ணெய் உற்பத்தியை உயர்த்த முடியாது” : சவுதி அரேபியா திட்டவட்டம்

கச்சா எண்ணெய் உற்பத்தி அளவை உடனடியாக உயர்த்த முடியாது என சவுதி அரேபியா, ரஷ்யா ஆகிய நாடுகள் திட்டவட்டமாக தெரிவித்துள்ளன.

அல்ஜிரிய தலைநகர் அல்ஜியர்சில் நடைபெற்ற எண்ணெய் வள நாடுகள் கூட்டத்தின் முடிவில் அரேபியாவும் ரஷ்யாவும் இத்தகவலை தெரிவித்தன. தற்போது சர்வதேச கச்சா எண்ணெய் சந்தையின் போக்கு திருப்திகரமாக இருப்பதாகவும் எனவே அதன் உற்பத்தியை உடனடியாக உயர்த்த முடியாது என்றும் ஆனால் அதற்கான வாய்ப்புகள் எதிர்காலத்தில் உண்டு என்றும் சவுதி அரேபிய அமைச்சர் காலித் அல் ஃபலா தெரிவித்தார்.

Read Also -> மாலத்தீவில் எதிர்க்கட்சி வேட்பாளர் வெற்றி

Read Also -> 'முதல்வராக மனோகர் பாரிக்கர் நீடிப்பார்' : அமித்ஷா திட்டவட்டம்

கச்சா எண்ணெய் உற்பத்தியை உடனடியாக அதிகரிக்குமாறு எண்ணெய் வள நாடுகளை அமெரிக்க அதிபர் டிரம்ப் வலியுறுத்தியிருந்தார். ஆனால் அவரது வலியுறுத்தலை எண்ணெய் வள நாடுகள் நிராகரித்துவிட்டன. முன்னதாக அமெரிக்காவின் நிர்பந்தத்திற்கு எண்ணெய் வள நாடுகள் பணிந்துவிடக் கூடாது என ஈரான் கேட்டுக்கொண்டிருந்தது.