உலகக்கோப்பைக்காக ரஷ்யா சென்ற பிரான்ஸ் கால்பந்து அணி 

உலகக்கோப்பை கால்பந்து போட்டியில் பங்கேற்க பிரான்ஸ் அணி ரஷ்யா சென்றது. பிரான்ஸ் அணி வீரர்கள் மாஸ்கோ விமான நிலையத்தில் இருந்து பேருந்து மூலம், ஹோட்டலுக்கு புறப்பட்டுச் சென்றனர்.

 உலகம் முழுவதும் உள்ள கால்பந்து ரசிகர்கள் ஆவலுடன் எதிர்நோக்கியுள்ள உலகக்கோப்பை போட்டி ரஷ்யாவில் ‌வரும் 14ஆம் தேதி தொடங்கி அடுத்த மாதம் 15ஆம் தேதி வரை களைகட்ட உள்ளது. பிரான்ஸ் அணி, ஆஸ்திரேலியா, பெரு, டென்மார்க் அணிகளுடன் சி பிரிவில் இடம் பெற்றுள்ளது. முன்னாள் உலகச் சாம்பியனான பிரான்ஸ் தனது முதல் லீக் ஆட்டத்தில் வரும் 16ஆம் தேதி ஆஸ்திரேலியாவை எதிர்கொள்கிறது. 

இதே போல் பிரேசில் அணியும் ரஷ்யா சென்று சேர்ந்துள்ளது, நெய்மார் உள்ளிட்ட வீரர்கள் மாஸ்கோவிலிருந்து தாங்கள் தங்கும் சோச்சி நகருக்கு சென்றனர். இ பிரிவில் இடம்பெற்றுள்ள பிரேசில் அணியுடன் கோஸ்டாரிகா, சுவிட்சர்லாந்து, செர்பியா ஆகிய அணிகள் இடம் பெற்றுள்ளன. பிரேசில் தனது முதல் போட்டியில் வரும் 17ம் தேதி சுவிட்சர்லாந்துடன் விளையாடுகிறது