[X] Close >

2019 நாடாளுமன்றத் தேர்தல்: இப்போதே வேலையை தொடங்கினார் மோடி

Modi-Plan-for-Parliament-election

2019-ஆம் ஆண்டு நடைபெற உள்ள நாடாளுமன்றத் தேர்தலுக்கான வேலையை இப்போதே தொடங்கிவிட்டார் பிரதமர் மோடி. சட்டப்பேரவைத் தேர்தல் வெற்றி மட்டும் போதாது. நாடாளுமன்றத் தேர்தலிலும் வெற்றி பெற்று மீண்டும் அரியணையில் உட்கார வேண்டும் என்ற எண்ணத்தில் அவர் உள்ளார்.


Advertisement

அண்மையில் நடைபெற்ற 5 மாநில சட்டப்பேரவைத் தேர்தலில் பாஜக-வின் கை ஓங்கியே இருந்தது. நாட்டின் அதிக வாக்காளர்களை கொண்ட மாநிலமாக உள்ள உத்தரப்பிரதேசத்திலும் உத்தராகண்ட், கோவா, மணிப்பூர் ஆகிய மாநிலங்களிலும் பாஜக தான் ஆட்சி அமைத்துள்ளது. காங்கிரஸ் உள்ளிட்ட கட்சிகள் பின்னடைவையே சந்தித்தன.

4 மாநில வெற்றியை சுவைத்த பின் பாஜக-வின் நாடாளுமன்றக் கட்சிக் கூட்டம் அண்மையில் நடந்துள்ளது. இதில் பேசிய பிரதமர் மோடி, வெற்றியை சுவைத்துவிட்டாமே என்று ஓய்வில் இருந்துவிட மாட்டேன். உங்களையும் ஓய்வில் இருக்க விட மாட்டேன் என பேசியுள்ளார்.


Advertisement

வரவிருக்கும் 2019-ஆம் ஆண்டு நாடாளுமன்றத் தேர்தலை மனதில் வைத்துக் கொண்டே மோடி இவ்வாறு பேசியுள்ளார். மக்களவைத் தேர்தலிலும் அதிகப்படியான எம்.பி.க்களை வென்று தொடர்ச்சியாக 2-ஆவது முறையாக ஆட்சியமைக்க பாஜக திட்டமிட்டுள்ளது இதன் மூலம் தெரிகிறது.

இதற்காக அம்பேத்கர் பிறந்த நாளான (ஏப்ரல் 14)ஆம் தேதியை பாஜக சார்பில் சிறப்பாக கொண்டாட தொண்டர்களை மோடி கேட்டுக்கொண்டுள்ளார். அம்பேத்கரின் பிறந்த நாள் விழாவை ஒரு வாரம் கொண்டாடவும், அப்போது அம்பேத்கரிகன் சாதனைகளை மக்களிடம் எடுத்துச்சொல்லவும், பிரதமர் மோடி தொண்டர்களிடம் வலியுறுத்தியுள்ளார்.

இப்போதைய இளைஞர்கள் செய்தித்தாள், தொலைக்காட்சிகளை பயன்படுத்துவதை விட தற்போது மொபைல் ஃபோனை தான் அதிகம் பயன்படுத்துகின்றனர். எனவே அவர்களுக்கேற்றவாறு அணுகி கட்சியை பலப்படுத்துங்கள் எனவும் மோடி அந்தக் கூட்டத்தில் கேட்டுக் கொண்டதாக தெரிகிறது. இதனிடையே, அரசாங்க திட்டத்திற்கான தூதர்களாக இளைஞர்கள் நியமிக்கப்படுவார் என பிரதமர் மோடி தெரிவித்துள்ளதாக மத்திய அமைச்சர் ஆனந்தகுமார் தெரிவித்துள்ளார். இதன் மூலம் இளைஞர்களின் வோட்டுகளையும் அதன் மூலம் வெகு மக்களின் வாக்குகளையும் பெற பாஜக திட்டமிட்டுள்ளது தெரிகிறது.


Advertisement
Advertisement:

Advertisement

Advertisement

Advertisement
[X] Close