JUST IN

Advertisement

நீட் தேர்வினை தமிழகம் மட்டும் எதிர்ப்பது ஏன்?: நீதிபதி கேள்வி

india-s-first-5g-video-call-demoed-by-ericsson-qualcomm-at-imc

நீட் தேர்வு தொடர்பான வழக்கில், தமிழக அரசு, சுயநிதி மருத்துவக் கல்லூரிகள் மற்றும் நிகர்நிலைப் பல்கலைக்கழகங்கள் விளக்கமளிக்க சென்னை உயர்நீதிமன்றம் உத்தரவிட்டுள்ளது.


Advertisement

கன்னியாகுமரியைச் சேர்ந்த திவ்யாஷரோன் என்பவர் தொடர்ந்த வழக்கு நீதிபதி கிருபாகரன் முன் விசாரணைக்கு வந்தது. சுயநிதி கல்லூரிகள், நிகர்நிலைப் பல்கலைக்கழகங்களில் இருந்து, விதிமுறைகளின்படி அரசு கல்லூரிகளுக்கு மருத்துவ மேற்படிப்புக்கான இடங்கள் ஒதுக்கப்படுகிறதாக என அவர் கேள்வி எழுப்பினார். நீட் தேர்வினை நாட்டின் பிற மாநிலங்கள் ஏற்றுக் கொள்ளும்போது தமிழகம் மட்டும் எதிர்ப்பது ஏன் என கேள்வி எழுப்பிய நிதிபதி, நீட் தேர்வை எதிர்கொள்ள தகுதியான கல்வியை மாணவர்களுக்கு வழங்கவில்லை என அரசு ஒப்புக் கொள்கிறதா என வினவினார்.

இந்திய மருத்துவக் கவுன்சிலின் பெயரைப் பயன்படுத்தி மருத்துவக் கல்வி நிறுவனங்கள் வணிகம் செய்வதாக தெரிவித்த நீதிபதி கிருபாகரன், சுயநிதி, நிகர்நிலைப் பல்கலைக்கழகங்களில் மருத்துவ படிப்பிற்காக வசூலிக்கப்படும் கட்டண விவரங்கள் குறித்து கேள்வி எழுப்பின‌ர். அப்போது ஆஜரான நிகர்நிலைப் பல்கலைக்கழகங்கங்கள் தரப்பு வழக்கறிஞர்‌கள், நீதிபதி ராமானுஜம் குழு நிர்ணயித்த கட்டணத்தையே வசூலிப்பதாக விளக்கமளித்தனர். இருதரப்பு வ‌தங்களையும் கேட்டறிந்த நீதிபதி, வழக்கு தொடர்பாக தமிழக அரசு, சுயநிதி மருத்துவக்கல்லூரிகள், நிகர்நிலைப் பல்கலைக்கழகங்கள் விளக்கமளிக்க உத்தரவிட்டு, விசாரணையை ஏப்ரல் 3ஆம் தேதிக்கு ஒத்திவைத்தார்.


Advertisement
Advertisement:

Advertisement

Advertisement

Advertisement