10 ரன்கள் வித்தியாசத்தில் ராஜஸ்தான் வெற்றி

டெல்லி டேர்டெவில்ஸ்- ராஜஸ்தான் ராயல்ஸ் அணிகளுக்கு இடையேயான போட்டியில் ராஜஸ்தான் அணி 10 ரன்கள் வித்தியாசத்தில் வென்றது. 

ஐபிஎல் தொடரின் 6 வது லீக் போட்டி, ஜெய்ப்பூரில் நேற்று நடந்தது. இதில் ராஜஸ்தான் ராயல்ஸ் அணியும், டெல்லி டேர்டெவில்ஸ் அணியும் மோதியது. டாஸ் வென்ற டெல்லி கேப்டன் கம்பீர் பந்து வீச்சை தேர்வு செய்தார். இதன்படி முதலில் பேட் செய்த ராஜஸ்தான் அணி 17.5 ஓவர்களில் 5 விக்கெட்டுக்கு 153 ரன்கள் எடுத்திருந்த போது, மழை குறுக்கிட்டது. 
அதிகப்பட்சமாக அந்த அணியின் கேப்டன் ரஹானே 45 ரன்களும் (40 பந்து), சஞ்சு சாம்சன் 37 ரன்களும் (22 பந்து) விக்கெட் கீப்பர் ஜோஸ் பட்லர் 29 ரன்களும் எடுத்தனர். தொடர்ந்து மழை பெய்ததால் ஆட்டம் 2 மணி நேரத்திற்கு மேலாக பாதிக்கப்பட்டது. 

பின்னர், டக்வெர்த் லீவிஸ் விதிப்படி 6 ஓவர்களில் 71 ரன்கள் எடுக்கவேண்டும் என டெல்லி அணிக்கு வெற்றி இலக்கு நிர்ணயிக்கப்பட்டது. ஆனால் டெல்லி அணி 6 ஒவர்களில் 4 விக்கெட் இழப்பிற்கு 60 ரன்கள் மட்டுமே எடுத்தது. இதன்மூலம் ராஜஸ்தான் அணி 10 ரன்கள் வித்தியாசத்தில் வெற்றிபெற்றது.