ஜன்னல் வழி நகை திருட்டு: ரயில்வே நிர்வாகம் பொறுப்பேற்காது!

ரயில் பயணியிடமிருந்து ஜன்னல் வழியாக நகை திருடப்பட்டால் அதற்கு ரயில்வே நிர்வாகம் பொறுப்பல்ல என தேசிய நுகர்வோர் குறைதீர்ப்பு ஆணையம் தீர்ப்பளித்துள்ளது.

 கடந்த 2012ம் ஆண்டு நந்தகிஷோர் என்பவர் சென்னையிலிருந்து டெல்லிக்கு ரயிலில் சென்ற போது அவரிடமிருந்து நகை பறிக்கப்பட்டது. மத்திய பிரதேசத்தில் ஒரு இடத்தில் ரயில் நின்ற போது ஜன்னல் வழியாக யாரோ ஒருவர் நகையை பறித்துச் சென்றார். இது தொடர்பாக நந்தகிஷோருக்கு ரயில்வே இழப்பீடு தர வேண்டும் என மாநில நுகர்வோர் நீதிமன்றம் உத்தரவிட்ட நிலையில் அதை எதிர்த்து தேசிய நுகர்வோர் ஆணையத்தில் ரயில்வே மேல்முறையீடு செய்தது.
அப்போது ரயில் பயணியிடமிருந்து ஜன்னல் வழியாக நகை திருடப்பட்டால் அதற்கு ரயில்வே நிர்வாகம் பொறுப்பல்ல என தேசிய நுகர்வோர் குறைதீர்ப்பு ஆணையம் தீர்ப்பளித்துள்ளது.