மனைவியை கொலை செய்து கணவர் தற்கொலை முயற்சி

தருமபுரி அருகே மனைவியை கொலை செய்த ஒருவர், தானும் தற்கொலைக்கு முயன்றுள்ளார்.

குண்டலபட்டியை சேர்ந்தவர் ஆறுமுகம் . அவரது மனைவி ஜெயலெட்சுமி.  இவர்கள் இருவருக்கும் கடந்த ஆண்டு திருமணம் நடைபெற்றுள்ளது. திருமணம் ஆனது முதல் இருவருக்கும் கருத்து வேறுபாடு இருந்து வந்துள்ளது. பெங்களூரில் வசித்து வந்த இவர்கள் கடந்த சில நாட்களுக்கு முன் சொந்த ஊருக்கு வந்துள்ளனர். அப்போது இருவருக்கும் இடையே தகராறு ஏற்பட்டதாக தெரிகிறது. இதில் ஆத்திரமடைந்த ஆறுமுகம் தனது மனைவியை கழுத்தை அறுத்து கொலை செய்துள்ளார். இதனை தொடர்ந்து தானும் தற்கொலை செய்துகொள்ள முயன்றுள்ளார். இதனை அதிகாலையில் பார்த்த அக்கம் பக்கத்தினர், மதிகோன்பாளையம் போலீசாருக்கு தகவல் தெரிவித்தனர்.

சம்பவ இடத்திற்கு வந்து காவல்துறையினர் ஜெயலட்சுமி கழுத்தறுத்த நிலையில் இறந்து கிடந்ததை கண்டனர். மேலும் காயத்துடன் இருந்த ஆறுமுகத்தை மீட்டு தருமபுரி அரசு மருத்துவ கல்லூரி மருத்துவமனைக்கு சிகிச்சைக்காக அனுப்பி வைத்தனர்.