பாரதிய ஜனதாவின் கிளைக் கட்சி போன்று அதிமுக மாறிவிட்டதாக திமுக செயல் தலைவர் மு.க.ஸ்டாலின் விமர்சித்துள்ளார்.

இதுதொடர்பாக திமுக செயல் தலைவர் மு.க.ஸ்டாலின் வெளியிட்டுள்ள அறிக்கையில், இரு அணிகளாக பிரிந்திருந்த அதிமுகவை பாரதிய ஜனதா கட்சிதான் சேர்த்து வைத்தது என்பதை நாடே அறியும் என கூறியுள்ளார். முடக்கப்பட்ட இரட்டை இலை சின்னத்தை பெற்றது உள்ளிட்டவற்றில், பாரதிய ஜனதா உடனான கூட்டணியின் பலனையும், ஆதாயத்தையும் அதிமுக அனுபவித்ததாக ஸ்டாலின் தெரிவித்துள்ளார். பாரதிய ஜனதாவுடன் கூட்டணி இல்லை என முதலமைச்சர் எடப்பாடி பழனிசாமி ஏமாற்று வார்த்தைகளை வெளிப்படுத்துகிறார் என்றும், முதல்வரும், துணை முதல்வரும் பாஜகவின் கிளைக் கட்சியாக அதிமுகவை மாற்றிவிட்டார்கள் என்றும் மு.க.ஸ்டாலின் விமர்சித்திருக்கிறார்.‌