கிருஷ்ணகிரியில் புதிய தலைமுறையின் மாணவர்கள் மன்றம் துவக்கம்

கிருஷ்ணகிரி அருகே புதிய தலைமுறை  சார்பில் மாணவர்கள் மன்றம் துவங்கப்பட்டது.

தமிழகம் முழுவதும் புதிய தலைமுறை சார்பில் மாணவர்கள் மன்றம் துவங்கப்பட்டு வருகிறது. இதில் ஆயிரக்கணக்கான மாணவர்களை உறுப்பினர்களாக இணைக்கபட்டு மாணவர்கள் எதிர்காலத்தில் எத்தகைய சவால்களை சந்திக்க உள்ளனர். அதனை எப்படி எல்லாம் எதிர்கொள்ளவது என்பது தொடர்பாக அறிவுரைகள் வழங்கபட்டு வருகிறது.இதன் தொடர்ச்சியாக இன்று கிருஷ்ணகிரி மாவட்டம் காவேரிப்பட்டினம் அருகே உள்ள தாசம்பட்டி கிராமத்தில் உள்ள MKS கோபி கிருஷ்ணா மெட்ரிக் மேல்நிலைப்பள்ளியில் புதிய தலைமுறை மன்றம் துவங்கப்பட்டது.

புதிய தலைமுறையின் முதன்மை செயல் அலுவலர் ஷயாம் அவர்கள் கலந்துகொண்டு மன்றத்தை துவக்கி வைத்தார். இந்த நிகழ்ச்சியில் பள்ளியின் துணை தலைவர் பிரசன்னா குமார் வரவேற்பு உரையாற்றினர். பள்ளியின் தாளாளர் புஷ்பக் தலைமை வகித்து உரையாற்றினார். மன்றத்தை துவக்கி வைத்து மாணவர்களிடம் உரையாற்றிய புதிய தலைமுறையின் முதன்மை செயல் அலுவலர் ஷயாம், “இன்றைய காலத்தில் மாணவர்கள் எப்படி படிக்க வேண்டும். எதிர்காலத்தில் எப்படி சாதிக்க வேண்டும். அப்துல்கலாம் அவர்கள் தெரிவித்தபடி கனவு காண வேண்டும். உங்களுக்குள் தன்னம்பிக்கை வளர்த்துக் கொள்ள வேண்டும். திறமைகளுக்கு ஏற்ற வழிகளில் பயணிக்க வேண்டும். எந்த பணியை செய்யும் முன்பும் யோசிக்க வேண்டும். சரியான வழியில் உங்களுக்கு உள்ள வேலை வாய்ப்புகளை தேர்வு செய்ய வேண்டும்” என மாணவர்களுக்கு அறிவுரைகளை வழங்கினார்.இந்த நிகழ்ச்சியில் நிர்வாக அலுவலர் செந்தில்குமார், நிகழ்ச்சி ஒருங்கிணைப்பாளர் ஜெயசீலன், புதிய தலைமுறை துணை மேலாளர் சாய்கிருஷ்ணன் ஆகியோர் கலந்து கொண்டனர்.