கோவை பாரதியார் பல்கலைக்கழக வளாகத்திற்குள் புகுந்த ஒற்றைக் காட்டு யானையை வனத்துறையினர் பாதுகாப்பாக காட்டுப் பகுதிக்குள் விரட்டினர். 

கோவை மாவட்டம் மருதமலை காப்புக் காட்டிலிருந்து யானை ஒன்று, கோவை பாரதியார் பல்கலைக்கழகத்திற்குள் புகுந்துள்ளது. இதையடுத்து பல்கலைக்கழக வளாகத்தில் இருந்த பாதுகாவலர்கள் வனத்துறையினருக்கு தகவல் அளித்துள்ளனர். இதேபோன்று தடாகம் பகுதியில் ஒரு யானைக் கூட்டம் ஊருக்குள் புகுந்துள்ளது. இதுதொடர்பாக அப்பகுதி மக்கள் வனத்துறையினருக்கு தகவல் தெரிவித்துள்ளனர். இதைத்தொடர்ந்து, சம்பவ இடங்களுக்கு வந்த வனத்துறையினர், வனக்குழு நண்பர்கள் மற்றும் வேட்டைத் தடுப்பு காவலர்கள் இணைந்து பொதுமக்களுக்கு எவ்வித பாதிப்புமின்றி யானைகளைக் காட்டுக்குள் விரட்டியுள்ளனர். அத்துடன் பல்கலைக்கழகத்திற்கு சுற்றித்திருந்த யானையும் பாதுகாப்பாக வனப்பகுதிக்கு விரட்டப்பட்டது.