[X] Close >

குட்டி அசினுடன் அக்‌ஷய் குமார்!

Akshay-Kumar-Shares-First-Pic-Of-Asin-And-Rahul-Sharma-s-Daughter

நடிகை அசின் மற்றும் தொழிலதிபர் ராகுல் சார்மாவிற்கு பிறந்துள்ள பெண் குழந்தையுடன், பாலிவுட் நடிகர் அக்‌ஷய் குமார் புகைப்படம் எடுத்து ட்விட்டரில் வெளியிட்டுள்ளார்.


Advertisement

நடிகை அசினுக்கும், தொழிலதிபர் ராகுல் சர்மாவுக்கும் கடந்த ஆண்டு ஜனவரி 19 ஆம் தேதி திருமணம் நடந்தது. இந்நிலையில் கர்ப்பிணியாக இருந்த அசினுக்கு, இன்று அதிகாலை பெண் குழந்தை பிறந்துள்ளது. இதையடுத்து திரையுலகப் பிரபலங்கள் மற்றும் ரசிகர்கள் பலரும் அசின்-ராகுல் ஜோடிக்கு சமூக வலைத்தளங்களில் வாழ்த்து தெரிவித்து வருகின்றனர்.

இது தொடர்பாக இன்ஸ்டாகிராமில் பதிவிட்டுள்ள அசின், இன்று தங்களுக்கு பெண் குழந்தை பிறந்துள்ளது என்றும், அதனால் மிகுந்த மகிழ்ச்சி அடைந்துள்ளதாகவும் தெரிவித்துள்ளார். அத்துடன் தன்னுடைய பிறந்தநாள் அன்று, தனது மகள் ஒரு அழகான பரிசாக கிடைத்ததில் அளவில்லாத மகிழ்ச்சி என்று குறிப்பிட்டுள்ளார். மேலும் வாழ்த்து தெரிவித்த அனைவருக்கும் நன்றியை அசின் தெரிவித்துள்ளார். இந்நிலையில் மருத்துவமனையில் அசின் மற்றும் ராகுலை சந்தித்த அக்‌ஷய் குமார், குட்டி அசினுடன் புகைப்படம் எடுத்துள்ளார். அந்த புகைப்படத்தை ட்விட்டரில் வெளியிட்டுள்ள அவர், குட்டி தேவதையை தந்த அசின் மற்றும் ராகுலுக்கு வாழ்த்துகள் என்று கூறியுள்ளார்.


Advertisement
Advertisement:

Advertisement

Advertisement

Advertisement
[X] Close