[X] Close >

ஓய்வு பெறுகிறார் ஆசிஷ் நெஹ்ரா!

Nehra-to-Quit-after-Kotla-t20

இந்திய கிரிக்கெட் வீரர் ஆசிஷ் நெஹ்ரா ஓய்வு அறிவிப்பை வெளியிட்டுள்ளார். 


Advertisement

இந்திய கிரிக்கெட் அணியின் சீனியர் வேகப்பந்து வீச்சாளர் ஆசிஷ் நெஹ்ரா. 38 வயதான இவர், 1999-ம் ஆண்டு முகமது அசாருதீன் கேப்டன்ஷிப்பில் அறிமுகம் ஆனார். 17 டெஸ்டில் விளையாடி 44 விக்கெட்டுகளும், 120 ஒரு நாள் போட்டிகளில் 157 விக்கெட்டுகளும், 26 டி20 போட்டிகளில் 34 விக்கெட்டுகளும் எடுத்துள்ளார்.
அணியில் இடம்பெறாமல் இருந்த நெஹ்ரா, நீண்ட இடைவெளிக்குப் பிறகு ஆஸ்திரேலிய அணிக்கு எதிரான டி20 போட்டியில் சேர்க்கப்பட்டுள்ளார். ஆனால், ஆடும் லெவனில் அவர் இடம்பெறவில்லை. இந்நிலையில் அவர் சர்வதேச கிரிக்கெட்டில் இருந்து ஓய்வு பெற முடிவு செய்துள்ளார். 
நியூசிலாந்து கிரிக்கெட் அணி இந்தியாவுக்கு வருகை தர இருக்கிறது. இந்த அணிகள் இடையிலான முதலாவது டி20 போட்டி டெல்லியில் நவம்பர் 1ஆம் தேதி நடக்கிறது. அந்தப் போட்டியில் சொந்த ஊர் ரசிகர்களின் முன்னிலையில் விளையாடி விட்டு ஓய்வு பெற முடிவு செய்துள்ளார். தனது முடிவை அணி நிர்வாகத்துக்கும், பயிற்சியாளர் ரவிசாஸ்திரி, கேப்டன் விராத் கோலி ஆகியோருக்கும் தெரிவித்து விட்டார். அவர் ஐ.பி.எல். போட்டியிலும் விளையாடமாட்டார் என்று கூறப்படுகிறது.

சமீபத்தில் அளித்த பேட்டியில், இன்னும் இரண்டு ஆண்டுகள் விளையாட இருப்பாதாக கூறியிருந்தார் நெஹ்ரா. ஆனால் ஆஸ்திரேலிய டி20 போட்டியில் அவரை அணியில் சேர்க்காததால் இந்த முடிவை எடுத்துள்ளதாகத் தெரிகிறது.


Advertisement
Advertisement:

Advertisement

Advertisement

Advertisement
[X] Close