சென்னை மற்றும் அதன் சுற்றுப்புறங்களில் விடிய, விடிய பெய்த கனமழை காரணமாக சாலைகளில் வெள்ள நீர் பெருக்கெடுத்து ஓடியது.

அண்ணாசாலை, போரூர், வேளச்சேரி, வடபழனி, வண்டலூர், பொழிச்சலூர், அம்பத்தூர், மூலக்கடை உள்பட சென்னை மற்றும் அதன் சுற்றுப்புறங்‌ளில் நள்ளிரவு முதல் இடியுடன் கூடிய கன மழை பெய்து வருகிறது. அதிகபட்சமாக எண்ணூரில் 133 மில்லி மீட்டரும், மீஞ்சூரில் 126 மில்லி மீட்டரும், செங்குன்றத்தில் 101 மில்லி மீட்டரும் மழை பதிவாகியுள்ளது. இதனால் பல இடங்களில் மின்சாரம் துண்டிக்கப்பட்டது. சென்னை மற்றும் அதன் சுற்றுப்புறங்களில் மிதமான மழை பெய்யக் கூடும் என வானிலை ஆய்வு மையம் ஏற்கெனவே அறிவித்திருந்த நிலையில், தற்போது விடிய, விடிய கனமழை பெய்து வருகிறது.