டெஸ்ட் கிரிக்கெட்தான் எனக்கு பெஸ்ட்: உமேஷ் யாதவ்

ஒரு நாள் போட்டியை விட டெஸ்ட் கிரிக்கெட் போட்டியில் ஆடுவதைதான் அதிகம் விரும்புகிறேன் என்று இந்திய கிரிக்கெட் அணியின் வேகப்பந்து வீச்சாளர் உமேஷ் யாதவ் கூறினார்.
இந்தியா - ஆஸ்திரேலிய அணிகளுக்கு இடையேயான கடைசி ஒரு நாள் போட்டி நாக்பூரில் இன்று நடக்கிறது. நாக்பூர், உமேஷ் யாதவுக்கு சொந்த ஊர். இந்தப் போட்டியில் விளையாடுவது பற்றி அவர் கூறும்போது, ’கிரிக்கெட்டில் டீம் காம்பினேஷன்தான் முக்கியம். உள்ளுர்க்காரர் என்பதால் இங்கு விளையாட வேண்டும் என்று எந்தக் கட்டாயமும் இல்லை. ஒரு நாள் போட்டியை விட, டெஸ்ட் போட்டிகளில் பந்து வீசுவதையே அதிகம் விரும்புகிறேன். ஒரு நாள் போட்டியில் கால அவகாசம் குறைவாக இருக்கிறது. விக்கெட்டை கணித்தும் பேட்ஸ்மேனை கணித்தும் பந்துவீச நேரம் தேவை. அது டெஸ்ட் போட்டியில் கிடைக்கிறது. அதில்தான் திட்டமிட்டப்படி பந்து வீச முடிகிறது. அது சவாலான ஒன்றுதான். ஒரு நாள் போட்டி மற்றும் டெஸ்ட் என இரண்டு வகை ஆட்டங்களிலும் விளையாடுவது எனக்கும் நல்லதுதான்’ என்றார்.