உலக சாம்பியன்ஷிப் பேட்மிண்டனில் பதக்கங்களை உறுதி செய்திருந்த இந்திய வீராங்கனை சாய்னா நேவால் அரையிறுதியில் போராடி தோல்வியடைந்தார்.
ஸ்காட்லாந்தில் உள்ள கிளாஸ்கோவில் நடைபெற்று வரும் பேட்மிண்டன் உலக சாம்பயின்ஷிப் தொடரில் இன்று பெண்களுக்கான முதல் அரையிறுதியில் தொடரின் 12-ஆம் நிலை வீராங்கனையான சாய்னா நேவால், ஏழாம் நிலை வகிக்கும் ஜப்பான் வீராங்கனை நசோமி ஒக்குஹாரா உடன் மோதினார்.
முதல் செட்டை 21-12 என சாய்னா எளிதில் கைப்பற்றினார். ஆனால், 2-வது செட்டில் ஜப்பான் வீராங்கனை சிறப்பாக விளையாடினார். இதனால், சாய்னா 17-21 என்ற கணக்கில் 2வது செட்டை இழந்தார். வெற்றியை நிர்ணயிக்கக்கூடிய 3-வது செட்டில் சாய்னா சிறப்பாக விளையாடுவார் என எதிர்பார்க்கப்பட்டது. ஆனால், அவர் 10-21 என்கிற செட் கணக்கில் தோல்வியடைந்தார். இதனால் சாய்னா அரையிறுதியில் தோல்வியடைந்து வெண்கல பதக்கத்தை மட்டுமே வென்றார்.
