சிங்கப்பூர் நாடாளுமன்ற சபாநாயகராக இருந்த ஹலிமா யாகோப் அடுத்த மாதம் நடைபெற உள்ள அதிபர் தேர்தலில் போட்டியிட உள்ளார். அந்நாட்டில் அதிபர் தேர்தலில் போட்டியிடும் முதல் பெண்மணி ஹலிமா யாகோப் தான். 

அதிபர் தேர்தலில் பங்குபெறுவதன் மூலம் சிங்கப்பூருக்கும், மக்களுக்கும் தொடர்ந்து சேவையாற்றும் வாய்ப்புக் கிடைக்கும் என ஹலிமா யாகோப் தெரிவித்துள்ளார். இதற்காக அவர் 2013 ஆம் ஆண்டிலிருந்து வகித்து வந்த சபாநாயகர் பதவியை ராஜினாமா செய்தார். அதோடு அவர் தான் அங்கம் வகித்த கட்சி பொறுப்பிலிருந்தும் ராஜினாமா செய்துள்ளார். மலாய் வேட்பாளருக்கு இந்த முறை அதிபராகும் வாய்ப்பளிக்கப்பட்ட நிலையில், 40 ஆண்டுகளாக அரசியலில் உள்ள ஹலிமா இம்முறை அதிபர் தேர்தலில் களம் இறங்கியுள்ளார்.