தண்ணீர் தேவையை தாங்களாகவே பூர்த்தி செய்து கொள்ளும் முயற்சியில் ஒரு கிராம இளைஞர்கள் ஈடுபட்டிருப்பது அனைவரையும் வியப்பில் ஆழ்த்தியுள்ளது. நீர்வரத்து‌ கால்வாய்களை புனரமைத்து அவர்கள் செய்திருக்கும் இந்த செயல் பெரிதும் பாராட்டப்படுகிறது.

சிவகங்கை மாவட்டம் காரைக்குடி அருகே உள்ளது கல்லல் என்ற கிராமம். சுற்றிலும் கண்மாய்கள் நிறைந்த இந்தப் பகுதியில் கடும் வறட்சியால் விவசாயம் முற்றிலும் முடங்கிப் போயிருக்கிறது. கண்மாய்களுக்கு செல்லும் கால்வாய்கள் தூர்வாரப்ப‌ட்டு பல ஆண்டுகள் ஆகிவிட்டதால், மழை பெய்தும் நீரைத் தேக்க முடியாத சூழ்நிலை ஏற்பட்டுள்ளது. இதுபற்றி மாவட்ட நிர்வாகத்திற்கு பலமுறை கோரிக்கை விடுத்தும் எந்த நடவடிக்கை‌யும் இல்லை எனக் கூறப்படுகிறது. இதன் விளைவாக‌ கல்லலைச் ‌சேர்ந்த இளைஞர்கள் சிலர், வாட்‌ஸ்அப் மூலம் ஒன்றிணைந்து, தங்களது கிராமத்திற்கான நீர் ஆதாரத்தை தா‌ங்களே சீரமைத்துள்ளனர்.

கல்லல் இளைஞர்களின் இந்த அயராத உழைப்பை‌ அந்த ஊர் மக்கள் வெகுவா‌கப் புகழ்ந்துள்ளனர். அவர்களது சீரிய முயற்சி பலனைத் தர வேண்டுமெனில்‌, வ‌ரவிருக்கும் வட‌கிழக்குப்‌ பருவ‌ம‌ழை போதிய அளவு பெய்து கை கொடுக்க வேண்டும் என்பது கல்லல் கிராம ‌மக்களின் எதிர்பார்ப்பாகும்.