[X] Close

சுகாதாரத்துறை ஊழியர்களுக்கு மாவட்ட ஆட்சியர் சான்றளித்தால் 48 மணி நேரத்தில் காப்பீடு தொகை

Subscribe
New-policy-in-Insurance-Scheme-for-Health-Workers-Fighting-COVID-19

மாவட்ட ஆட்சியர் சான்றளித்தால், 48 மணி நேரத்தில்  காப்பீடு தொகை கிடைக்கும் வகையில், சுகாதாரத்துறை ஊழியர்களுக்கான காப்பீடு திட்டத்தில் புதிய முறை இன்று மத்திய அரசால் அறிமுகப்படுத்தப்பட்டுள்ளது.


Advertisement

கோவிட்-19 பெருந்தொற்று நோயை எதிர்த்து போராடும் சுகாதாரப் பணியாளர்களுக்காக 'பிரதமரின் ஏழைகள் நலன் திட்டத்தின்(PMGKP)' கீழ் காப்பீடு திட்டத்தை, மத்திய அரசு கடந்த 2020ம் ஆண்டு மார்ச் 30ம் தேதி தொடங்கியது. முதலில் 90 நாட்கள் அளவில் இத்திட்டம் இருந்தது. பின்பு ஓராண்டு காலத்துக்கு நீட்டிக்கப்பட்டது. அதன் பின்பு கடந்த ஏப்ரல் 24ம் தேதி  முதல் இத்திட்டம் மேலும் ஒரு ஆண்டு காலத்துக்கு நீட்டிக்கப்பட்டது.

இத்திட்டத்தில் ரூ. 50 லட்சம் காப்பீடு தொகையாக இருந்தது. அரசு மற்றும் தனியார் சுகாதார ஊழியர்கள் உட்பட அனைத்து சுகாதாரப்பணியாளர்களுக்கும் இந்த காப்பீடு திட்டம் பொருந்தும் என்று சொல்லப்பட்டிருந்தது. இதை, 'நியூ இந்தியா அஷூரன்ஸ்' நிறுவனம் மூலம் இத்திட்டம் செயல்படுத்தப்பட்டது.


Advertisement

image

இந்த திட்டம் அமல்படுத்தப்பட்ட பின், இதன்கீழ் கோரப்படும் இழப்பீடுகள் கிடைக்க நடைமுறையில் தாமதமாவதாக மாநிலங்கள் உட்பட பல்வேறு தரப்பினர் புகார் எழுப்பினர். இந்த தாமத்தை குறைக்கவும்நடைமுறைகளை ஒழுங்குபடுத்தி எளிதாக்கவும் புதிய முறையை அறிமுகப்படுத்த முடிவு செய்யப்பட்டுள்ளது. அந்தமுடிவின் படி, இந்த காப்பீடு திட்டத்தின் ஒவ்வொரு இழப்பீடுக் கோரிக்கைகளும்நிலையான செயல்பாட்டு விதிமுறைகள் படி உள்ளதா என மாநில அரசுகளே மாவட்ட ஆட்சியர் அளவில் ஆய்வு செய்து சான்றளிக்க வேண்டும்.

மாவட்ட ஆட்சியர் அளிக்கும் சான்றிதழ் அடிப்படையில்காப்பீடு நிறுவனம் தங்களின் காப்பீடு தொகையை 48 மணி நேரத்தில் வழங்கும். இந்த நடைமுறை ஒரே மாதிரியாக இருக்கமத்திய அரசு மருத்துவமனைகள்எய்ம்ஸ்ரயில்வே மருத்துமனை ஆகியவற்றில் பணியாற்றும் சுகாதாரப் பணியாளர்களின் குடும்பத்தினர்  இழப்பீடு கோரினாலும்மாவட்ட ஆட்சியரே சான்றளிக்க வேண்டும் என கூறப்பட்டுள்ளது.


Advertisement
Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close