[X] Close

சென்னை பிஎஸ்பிபி பள்ளியில் பாலியல் புகார்: ஆசிரியரிடம் விசாரிக்க காவல்துறை தீவிரம்

Subscribe
Sexual-harassment-at-PSBB-school-in-Chennai-Police-intensify-to-investigate-teacher

சென்னை பிஎஸ்பிபி பள்ளியில் ஆசிரியர் மீதான பாலியல் புகாரையடுத்து, அவரை பிடித்து விசாரிக்க காவல்துறை தீவிரம் காட்டி வருகின்றனர்.


Advertisement

பாலியல் புகாருக்கு உள்ளான ஆசிரியர் ராஜகோபாலன் பற்றிய விவரங்களை சென்னை - கே.கே.நகர் காவல்துறையினர் சேகரித்து வருகின்றனர். பெண்கள் மற்றும் குழந்தைகளுக்கு எதிரான குற்றத்தடுப்புப் பிரிவு துணை ஆணையர் தலைமையில் பள்ளியில் விசாரணை நடத்தி வருகிறார். இதனிடையே, ஆசிரியர் மீதான பாலியல் புகார் குறித்து சென்னை பிஎஸ்பிபி பள்ளி நிர்வாகத்திடம் பள்ளிக் கல்வித்துறை விளக்கம் கேட்டுள்ளது. ஆசிரியர் ராஜகோபாலன் மீது நேர்மையான முறையில் விசாரணை நடத்தி நடவடிக்கை எடுக்கப்படும் என்று பிஎஸ்பிபி பள்ளி நிர்வாகம் தெரிவித்துள்ளது.

இந்த நிலையில், ஆசிரியர் மீதான பாலியல் புகார் குறித்து பிஎஸ்பிபி பள்ளியில் விசாரணை நடத்தி நடவடிக்கை வருகிறது என்றும், ஆசிரியர் ராஜகோபலன் மீதான புகாரில் உண்மையிருந்தால் கண்டிப்பாக நடவடிக்கை எடுக்கப்படும் என்றும் பள்ளிக்கல்வித் துறை அமைச்சர் அன்பில் மகேஷ் தெரிவித்தார்.


Advertisement

புகாரின் பின்புலம்:

சென்னை கே.கே.நகரிலுள்ள பிஎஸ்பிபி தனியார் பள்ளியில் மாணவிகளிடம் ஆசிரியர் ஒருவர் பாலியல் அத்துமீறலில் ஈடுபடுவதாகவும், அவர் மீது உரிய நடவடிக்கை எடுக்கக்கோரியும், அப்பள்ளியின் முதல்வருக்கு முன்னாள் மாணவர்கள் புகார் கடிதம் அனுப்பியுள்ளனர்.

சம்பந்தப்பட்ட பள்ளியில், வணிகவியல் ஆசிரியராகப் பணிபுரிந்து வரும் ராஜாகோபாலன் என்பவர், ஆன்லைன் வகுப்புக்கு அரைகுறை ஆடையுடன் வருவது, மாணவிகளின் மொபைல் எண்ணுக்கு வாட்ஸ் அப்பில் தவறான நோக்கத்துடன் குறுஞ்செய்திகள் அனுப்புவது போன்ற செயல்களில் தொடர்ந்து ஈடுபட்டு வருவதாக, புகார் கடிதத்தில் குறிப்பிடப்பட்டுள்ளது.


Advertisement

இதேபோல், வகுப்பறையில் பாடமெடுக்கும்போதும், மாணவிகளை சங்கடத்திற்கு உள்ளாக்கும் வகையில், அவர்களின் தோற்றத்தைப் பற்றி கருத்து தெரிவித்தல், தவறான நோக்கத்துடன் மாணவிகளைத் தொடுதல் உள்ளிட்ட செயல்களிலும் ஈடுபட்டு வந்ததாக ஆசிரியர் ராஜகோபாலன் குற்றஞ்சாட்டு முன்வைக்கப்படுகிறது.

பள்ளி நிர்வாகம் அவர் மீது உரிய நடவடிக்கை எடுக்கக் கோரியுள்ள முன்னாள் மாணவர்கள், பாதிக்கப்பட்ட மாணவிகள் விபரம் வெளிப்படாமல் இருப்பதை உறுதி செய்யவும் வலியுறுத்தியுள்ளனர்.

Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close