[X] Close
JUST IN
  • BREAKING-NEWS உள்ளாட்சித் தேர்தல் நடந்தால் நான் போட்டியிடுவது பற்றி தலைமைதான் முடிவு எடுக்கும் - உதயநிதி ஸ்டாலின்
  • BREAKING-NEWS சேலம் மாவட்ட முன்னாள் ஆட்சியர் ரோஹிணி மத்திய உயர்கல்வித்துறை துணை செயலாளராக நியமனம்
  • BREAKING-NEWS தமிழக பொதுப்பணித்துறை அதிகாரிகளுடன் முதலமைச்சர் எடப்பாடி பழனிசாமி ஆலோசனை
  • BREAKING-NEWS மகாராஷ்டிரா ஆளுநரை நாளை சந்திக்க சிவசேனா, காங்கிரஸ் உள்ளிட்ட கட்சிகள் முடிவு
  • BREAKING-NEWS உள்ளாட்சித் தேர்தலை நிறுத்த திமுக முயற்சிக்கவில்லை: மு.க.ஸ்டாலின்
  • BREAKING-NEWS ஐஐடியில் தற்கொலை செய்த மாணவி பாத்திமாவின் தந்தை இன்று முதல்வர் பழனிசாமியை சந்தித்து பேச உள்ளதாக தகவல்

‘தமிழர்களின் 70 ஆண்டுகால கனவு’ - 172 இலங்கை பள்ளிகளுக்கு தமிழ் பெயர் 

sri-lanka-uva-province-council-renames-140-schools-as-tamil-name

இலங்கையில் சிங்களர்கள் கட்டுப்பாடு அதிகமுள்ள 172 பள்ளிகளுக்கு தமிழில் பெயர் சூட்டப்பட்டுள்ளது. 

இலங்கையில் இந்தியத் தமிழர்கள் அதிகமாக வசிக்கக்கூடிய, சிங்களரின் கட்டுப்பாட்டிலுள்ள மலையக பகுதியான ஊவா மாகாணத்தில் தமிழ் மாணவர்கள் படிப்பதற்காக 172 பள்ளிகள் செயல்பட்டு வருகின்றன. இவற்றில் 140 பள்ளிகளில் முழுக்க, முழுக்க தமிழ் மாணவர்கள் படித்த போதிலும் பள்ளியின் பெயர் மட்டும் சிங்கள மொழியிலேயே இருந்தது.

இவற்றுக்கு தமிழ் பெயரைச் சூட்ட வேண்டும் என கடந்த 70 ஆண்டுகளுக்கும் மேலாக தமிழ் மக்கள் வலியுறுத்தி வந்தனர். போராட்டங்களையும் நடத்தினர். ஆனால், ஆட்சி அதிகாரம் சிங்களர்கள் கைவசம் இருந்ததால், அவர்கள் இந்தக் கோரிக்கையை செயல்படுத்த மறுத்து வந்தனர்.

இந்தச் சூழலில், தற்போது ஊவா மாகாணத்தின் கல்வி அமைச்சராக இருக்கும் தமிழரான செந்தில் தொண்டமான், சிங்களர்களின் எதிர்ப்பையும் மீறி 140 பள்ளிகளுக்கு இந்து கடவுள்கள், தமிழ் புலவர்கள், சான்றோர் பெருமக்களின் பெயரைச் சூட்டி அரசாணையை வெளியிட்டிருக்கிறார். அதில் கம்பன், திருவள்ளுவர், கிருபானந்த வாரியார், பாரதியார், பாரதிதாசன் உள்ளிட்டோர் பெயர்களுடன் நம்ம ஊர், வைத்தீஸ்வரன் கோயிலை நினைவூட்டும் வகையில் வைத்தீஸ்வரா தமிழ் வித்யாலயம் எனவும் பெயர் சூட்டியுள்ளனர்.

யாழ்ப்பாணம், முல்லைத்தீவு உள்ளிட்ட வடக்கு, கிழக்கு தமிழ் பிரதேசங்களில் தமிழ் மொழியை சிதைத்து சிங்களத்தை திணிக்கும் செயலில் இலங்கை அரசு ஈடுபட்டு வரும் நிலையில், சிங்களர்கள் ஆளக்கூடிய பகுதியிலேயே, சிங்கள பெயர்களை நீக்கிவிட்டு தமிழ் பெயர்களை சூட்டியுள்ளது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close