[X] Close
JUST IN
  • BREAKING-NEWS இலங்கையில் 8வது அதிபரை தேர்வு செய்வதற்கான தேர்தலில் 81.52% வாக்குகள் பதிவாகியுள்ளன
  • BREAKING-NEWS ரிலையன்ஸ் கம்யூனிகேஷன் நிறுவனத்தின் இயக்குநர் பொறுப்பில் இருந்து அனில் அம்பானி ராஜினாமா செய்தார்
  • BREAKING-NEWS கேரளா: மண்டல பூஜைக்காக சபரிமலை ஐயப்பன் கோயிலில் நடை திறப்பு
  • BREAKING-NEWS இலங்கை அதிபர் தேர்தல் வாக்குப்பதிவு நிறைவு
  • BREAKING-NEWS இலங்கை அதிபர் தேர்தல் வாக்குப்பதிவு: 4 மணி நேரத்தில் 50 சதவிகிதத்திற்கும் மேல் வாக்குகள் பதிவானதாக தகவல்
  • BREAKING-NEWS கோவாவில் மிக் ரக பயிற்சி விமானம் விழுந்து நொறுங்கியது: விமானிகள் இருவரும் பாதுகாப்பாக தப்பினர்
  • BREAKING-NEWS கனமழை காரணமாக நெல்லை நடுவக்குறிச்சி குளக்கரையில் பல இடங்களில் உடைப்பு

“ஜப்பானுக்காக பிரார்த்தனை செய்வோம்” - தாண்டவம் ஆடிய சூறாவளி

japan-hit-by-typhoon-hagibis-one-of-the-worst-in-60-years-two-dead

பேரிடர்களால் அவ்வப்போது சூறையாடப்படும் நாடுகளில் ஒன்றாக ஜப்பான் திகழ்கிறது. சில வருடங்களுக்கு முன்பு  பலமான சூறாவளிப் புயல் ஒன்று ஜப்பானை தாக்கியது. இதில் சுமார் 30 ஆயிரம் வீடுகள் சேதமடைந்தன. கடந்த மாதம் கூட ஜப்பான் தலைநகர் டோக்கியோவின் கிழக்குப் பகுதியை ஒரு புயல் தாக்கியது. இந்நிலையில் மீண்டும் ஒரு சூறாவளி ஜப்பானை தாக்கவுள்ளதாக அறிவிப்பு வெளியானது அந்நாட்டு மக்களை அச்சத்தில் ஆழ்த்தியது.

          

இதற்கு காரணம் ஜப்பானில் வானம் ‘பிங்க்’ நிறமாக மாறியதாக சிலர் வெளியிட்டுள்ள புகைப்படங்கள்தான். இந்தப் புகைப்படங்கள் தற்போது சமூக வலைத்தளங்களில் வைரலாக பரவி வருகிறது. இதனால் ஜப்பானில் 16 லட்சம் மக்கள் பாதுகாப்பான பகுதிக்கு மாற்றப்பட்டுள்ளனர். பள்ளிகளுக்கு விடுமுறை விடப்பட்டுள்ளது. 1,600 விமானங்கள் மற்றும் புல்லட் ரயில்கள் ரத்து செய்யப்பட்டுள்ளன. இதுமட்டுமின்றி மத்திய டோக்கியோவில் கடைகள் மற்றும் சூப்பர் மார்க்கெட்டுகள் மூடப்பட்டிருக்கின்றன. சாலைகள் வெறிச்சோடி காணப்படுகின்றன.

இந்தப் புயலை ஜப்பானியர்கள் கடந்த 1958-ஆம் ஆண்டு வந்த ‘கனோகவா’ சூறாவளிப் புயலுடன் ஒப்பிடுகின்றனர். இந்தப் புயல் வீசியபோது சுமார் 1200 பேர் ஜப்பானில் இறந்தனர். லட்சக்கணக்கான வீடுகள் சேதமடைந்தன. அப்போது வானம் இதேபோன்று ‘பிங்க்’ நிறத்தில் மாறியதாக மக்களிடையே பேசப்பட்டது. இதனால் தற்போது அதேபோன்று பாதிப்பு வருமோ என மக்கள் அச்சத்தில் உறைந்துள்ளனர். 

         

இந்நிலையில், ஹஜிபிஸ் புயலானது ஜப்பானை கடுமையாக தாக்கியுள்ளது. புயல் காற்றுடன் மழையும் கொட்டி தீர்த்தது. புயல் காற்றில் பல பொருட்கள் அடித்துச் செல்லப்பட்டன. கொட்டி தீர்த்த மழையால் சாலைகளில் வெள்ளம் பெருக்கெடுத்து ஓடியது. இதனிடையே, #PrayForJapan என்ற ஹேஷ்டேக் இந்திய அளவில் ட்ரெண்ட் ஆகியுள்ளது. ஜப்பான் நாட்டிற்காக பிரார்த்தனை செய்யுமாறு பலரும் அதில் வலியுறுத்தியுள்ளனர்.

இந்த புயல் மற்றும் கனமழைக்கு இதுவரை இருவர் உயிரிழந்துள்ளனர். ஏராளமானோர் காயம் அடைந்துள்ளனர். நூற்றுக்கணக்கான வீடுகள் சேதம் அடைந்துள்ளன.

போட்டோ கேலரி

1 of 6

Advertisement:
இது தொடர்பான செய்திகள் :
Advertisement:
Advertisement:
[X] Close