[X] Close
JUST IN
  • BREAKING-NEWS பிரதமர் மோடி சீன அதிபர் ஜின்பிங் சந்திக்கவுள்ள மாமல்லபுரத்தில் சீன அதிகாரிகள் ஆய்வு
  • BREAKING-NEWS அடுத்த 3 நாட்களுக்கு தமிழகத்தில் மழை நீடிக்க வாய்ப்பு. 14 மாவட்டங்களில் கனமழை பெய்யக்கூடும் - ‌வானிலை மையம்
  • BREAKING-NEWS நீட் ஆள்மாறாட்டம் விவகாரத்தில் தேடப்பட்டு வரும் மாணவர் உதித் சூர்யா முன்ஜாமீன் மனு
  • BREAKING-NEWS சென்னை உயர்நீதிமன்ற தலைமை நீதிபதி தஹில் ரமானியின் ராஜினாமா ஏற்பு. பொறுப்பு தலைமை நீதிபதியாக வினீத் கோத்தாரி நியமனம்.
  • BREAKING-NEWS 7 நாள் பயணமாக அமெரிக்காவுக்கு புறப்பட்டுச் சென்றார் பிரதமர் மோடி

காபூல் தற்கொலை தாக்குதலில் உயிரிழந்தோர் எண்ணிக்கை 63 ஆக உயர்வு

deadly-blast-rips-through-wedding-in-afghanistan-killing-63-people

காபூலில் திருமண மண்டபத்தில் நடந்த தற்கொலை தாக்குதலில் உயிரிழந்தோர் எண்ணிக்கை 63 ஆக அதிகரித்துள்ளது. 180-க்கும் அதிகமானோர் படுகாயமடைந்துள்ளனர். பலி எண்ணிக்கை அதிகரிக்கும் என்று கூறப்படுகிறது.

ஆப்கானிஸ்தான் தலைநகர் காபூலில் உள்ள ஷாஹ்ர்-இ- துபாய் என்ற திருமண மண்டபத்தில் நேற்று திருமணம் நடந்துகொண்டிருந்தது. இதற்காக ஏராளமான விருந்தினர்கள் அங்கு கூடியிருந்தனர். அப்போது உடலில் குண்டுகளை அணிந்திருந்த ஒருவர் திடீரென அதை வெடிக்கச் செய்தார். இதில் பலர் உடல் சிதறி உயிரிழந்தனர். ஏராளமானோர் படுகாயமடைந்தனர். அங்கிருந்தவர்கள் அலறி அடித்து ஓடினர்.


இதையடுத்து அங்கு வந்த பாதுகாப்புப் படையினர், காயமடைந்தவர்களை மீட்டு மருத்துவமனைக்கு அனுப்பி வைத்தனர். இந்த தாக்குதலில் குழந்தைகள், பெண்கள் உட்பட 63 பேர் உயிரிழந்துள்ளனர். 180 -க்கும் அதிகமானோர் படுகாயமடைந் துள்ளனர்.

இந்த தாக்குதலை தாங்கள் நடத்தவில்லை என்று ஆப்கானிஸ்தானின் தலீபான் அமைப்பு மறுத்துள்ளது. அதோடு பொதுமக்கள் மீது நடத்தப்பட்டுள்ள தாக்குதலுக்கு கண்டனம் தெரிவித்துள்ளது. வேறு எந்த அமைப்பும் இதற்கு பொறுப்பேற்கவில்லை.

சம்பவம் நடந்த இடத்துக்கு அருகில்தான் தருல் அமான் அரண்மனை உள்ளது. இங்குதான் அந்நாட்டின் சுதந்திர தின விழா நாளை நடக்க இருக்கிறது என்பது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close